କଟକ ସରକାରୀ ଅଭ୍ୟାସ ଉଚ୍ଚ ବାଳିକା ବିଦ୍ୟାଳୟର କୃତୀ ଛାତ୍ରୀଙ୍କୁ ସମ୍ବର୍ଦ୍ଧନା
କଟକ(ଏନ୍.ଏମ୍.): କଟକ ସରକାରୀ ଅଭ୍ୟାସ ଉଞ୍ଚ ବାଳିକା ବିଦ୍ୟାଳୟରେ ୨୦୨୩-୨୦୨୪ ମସିହା ଦଶମ ବୋର୍ଡ ପରୀକ୍ଷାରେ କୃତକାର୍ଯ୍ୟ ହୋଇଥିବା ଛାତ୍ରୀମାନଙ୍କ ନିମନ୍ତେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଶିଷ୍ଟ ସମାଜସେବୀ ତଥା କଟକ ବାଲୁବଜାର ପୂଜା କମିଟି ସଭାପତି ପୃଥ୍ୱୀରାଜ ସାହୁଙ୍କ ଦ୍ୱାରା ଆୟୋଜିତ ଏହି ଉତ୍ସବରେ ବିଦ୍ୟାଳୟର ପ୍ରଧାନମନ୍ତ୍ରୀ ଶିକ୍ଷୟତ୍ରୀ ଅଙ୍ଗୁରବାଳା ସାହୁ ସଭାପତିତ୍ୱ କରିଥିବା ବେଳେ ମୂଖ୍ୟଅତିଥି ଭାବେ ଲାଲବାଗ ଥାନାର ଭାରପ୍ରାପ୍ତ ଅଧିକାରୀ ଦୟାନିଧି ନାୟକ ଯୋଗଦେଇ ଛାତ୍ରୀମାନେ ନିଜର ବିକାଶ ନିମନ୍ତେ ଶିକ୍ଷା ଉପରେ ଗୁରୁତ୍ୱ ଦେବାକୁ ପରାମର୍ଶ ଦେଇଥିଲେ। ବରିଷ୍ଠ ଫଟୋ ସାମ୍ବାଦିକ ସରୋଜ କୁମାର ମଲ୍ଲିକ ସମ୍ମାନିତ ଅତିଥି ଭାବେ ଯୋଗ ଦେଇ ଭାଷଣ ମାଧ୍ୟମରେ ଛାତ୍ରୀଙ୍କୁ ଉତ୍ସାହିତ କରିଥିଲେ। ଏହି ସମ୍ବର୍ଦ୍ଧନା ସଭାରେ ସ୍ଥାନୀୟ ଅଞ୍ଚଳ ମୁରବି ମନୋରଞ୍ଜନ ପ୍ରଶାୟତ, ଯୁବକ ସଂଘର ସମ୍ପାଦକ ଦେବାଶିଷ ମହାପାତ୍ର ଓ ଶରତ ଚନ୍ଦ୍ର ବେହେରା ଯୋଗ ଦେଇଥିଲେ। ପ୍ରଧାନ ଶିକ୍ଷୟିତ୍ରୀ ଓ ଅତିଥିମାନଙ୍କ ଦ୍ୱାରା ସାତ ଜଣ କୃତି ଛାତ୍ରୀ ତଥା ଶୁଭସ୍ମିତା ସିଂ, ଶୁଭଶ୍ରୀ ବେହେରା, ରୁପାଲୀ ଦାସ, ଅଙ୍କିତା ପ୍ରିୟଦର୍ଶିନୀ ପାଣି, ଶୁଭଶ୍ରୀ ବେହେରା (ଖ), ସନ୍ତୋଷୀ ମହାରଣା ଓ ମୋନାଲିସା ପାଲିତଙ୍କୁ ମାନପତ୍ର ଓ ଟ୍ରଫି ଦେଇ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ ସମ୍ମାନିତ ଅତିଥି ସରୋଜ ମଲ୍ଲିକ ସାତ ଜଣ କୃତୀ ଛାତ୍ରୀଙ୍କ ମଧ୍ୟରୁ ସର୍ବୋଚ୍ଚ ନଂ ରଖିଥିବା ଶୁଭସ୍ମିତା ସିଂ ଙ୍କୁ ଫେସବୁକ ସୋସିଆଲ ଗ୍ରୁପ “ଆମ ପରିବାର’ ପକ୍ଷରୁ ପାଞ୍ଚଶହ ଟଙ୍କା ଅର୍ଥ ରାଶି ପୁରସ୍କାର ଦେଇ ଛାତ୍ରୀଙ୍କୁ ଉଚ୍ଛାହିତ କରିଥିଲେ। ଏଥିରେ ବିଦ୍ୟାଳୟର ସମସ୍ତ ଶିକ୍ଷୟତ୍ରୀ ଓ ସମସ୍ତ କର୍ମଚାରୀ ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା ଶେଷରେ ଇଂରାଜୀ ଶିକ୍ଷକ ଅନନ୍ତ ଚରଣ ଦାଶ ଧନ୍ୟବାଦ ଅର୍ପଣ କରିଥିଲେ।