କଟକ ମହାନଗର ନିଗମର ୱାର୍ଡ ନମ୍ବର -୪୧ରେ ଭେଣ୍ଡିଙ୍ଗ୍ ଜୋନର ଭିତ୍ତିପ୍ରସ୍ତର ସ୍ଥାପନ
କଟକ(ଏନ୍.ଏମ୍.): କଟକ ମହାନଗର ନିଗମ ଅନ୍ତର୍ଗତ ଯୋବ୍ରା, ୱାର୍ଡ ନମ୍ବର ୪୧ରେ ଭେଣ୍ଡିଙ୍ଗ୍ ଜୋନର ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ୪୧ ନମ୍ବର ୱାର୍ଡର କର୍ପୋରେଟର ସ୍ୱର୍ଣ୍ଣପ୍ରଭା ପଶାୟତଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ ମୁଖ୍ୟଅତିଥି ଭାବରେ ଯୋଗଦେଇ ନଡ଼ିଆ ଭାଙ୍ଗି ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଯୋବ୍ରା ପୂଜା କମିଟି ସଭାପତି ପ୍ରମୋଦ କୁମାର ଜେନା, ବରିଷ୍ଠ କଂଗ୍ରେସ ନେତା ବିଶ୍ୱଜିତ ଦାସ, ବରିଷ୍ଠ ନାଗରିକ ସମରେସ ବେହେରା, ଲୋକନାଥ ବେହେରା, ସୁରେନ୍ଦ୍ର ଦାସ, ନିକୁଞ୍ଜ ପଶାୟତ, ପୂର୍ବତନ କାଉନସିଲର ଉମା ବେହେରା, ଅମରେନ୍ଦ୍ର ମହାନ୍ତି, ମୃତ୍ୟୁଞ୍ଜୟ ବେହେରା, କାବୁଲି କାନୁନଗୋ, ଯଶୋବନ୍ତ ବାରିକ, ସୌମ୍ୟକାନ୍ତ ଜେନା, ମହାନଗର ନିଗମର କାର୍ଯ୍ୟନିର୍ବାହୀ ଯନ୍ତ୍ରୀ ଭରତ ଚନ୍ଦ୍ର ସେଠୀ, କନିଷ୍ଠ ଯନ୍ତ୍ରୀ ଏକଲବ୍ୟ ବାରିକ, ରମେଶ ଜେନା, ରଞ୍ଜନ ସେଠୀ, ପ୍ରଶାନ୍ତ ଜେନା, ବିଭୂତି ଭୂୟାଁ, ସାହିର ବରିଷ୍ଠ ନାଗରିକ, ଯୁବ ଛାତ୍ର, ମହିଳା ଓ ଜନ ସାଧାରଣ ଉପସ୍ଥିତ ରହି କାର୍ଯ୍ୟକ୍ରମରେ ସାମିଲ ହେବା ସହ ପ୍ରକଳ୍ପ ଟିର ସଫଳତା କାମନା କରିଥିଲେ। ଏହି ଭେଣ୍ଡିଙ୍ଗ ଜୋନ୍ ପ୍ରତିଷ୍ଠା ହେଲେ ସ୍ଥାନୀୟ ଛୋଟ ବ୍ୟବସାୟୀମାନଙ୍କୁ ସହାୟକ ହୋଇପାରିବ ବୋଲି ମତ ପ୍ରକାଶ ପାଇଥିଲା।