ଏଜେନ୍ସି ଚାଲୁଛି ସିଏମସି କମିଶନରଙ୍କ କଥାରେ

କଟକ(ଏନ୍‌.ଏମ୍‌.): ସିଏମସି କମିଶନର ଦେଉଛନ୍ତି ଲୋକଙ୍କୁ ଚାକିରୀ। ତାହା ପୁଣି ପରୀକ୍ଷାରେ ନୁହେଁ । ସିଧାସଳଖ ଭଲଦରମାରେ ଚାକିରୀ ଦେଉଛନ୍ତି । ଯାହାକୁ ନେଇ ସିଏମସିରେ ଏବେ ଚର୍ଚ୍ଚା ଜୋର ଧରିଛି। ନିଦ୍ଧିଷ୍ଟ ଠିକାସଂସ୍ଥା ସ୍ୱର୍ଣ୍ଣଦେବୀକୁ ନିଯୁକ୍ତି ନେଇ ମିଳିଛି ଅନୁମତି। ଆଉ ସିଏମସି ଅଧିକାରୀ ନିର୍ଦ୍ଧିଷ୍ଟ ବ୍ୟକ୍ତିଙ୍କ ଦରମା ସ୍ଥିରିକୃତ କରି ଚିଠି କରିଛନ୍ତି ନିଯୁକ୍ତି ଦେବାକୁ। ପ୍ରଶ୍ନ ଉଠୁଛି ଏଭଳି ଚିଠି କରିବାର କଣ ରହିଛି ଉଦ୍ଦେଶ୍ୟ । ଏଭଳି ନିଯୁକ୍ତି ସମ୍ପର୍କରେ ଜାଣିଛନ୍ତି ତ ମେୟର। ସେହିପରି ଏଷ୍ଟାବ୍ଲିସମେଣ୍ଟ ଡେପୁଟି କମିଶନର, ଷ୍ଟାଣ୍ଡିଂକମିଟି ଅଧ୍ୟକ୍ଷ ଓ ସଦସ୍ୟ ଏସମ୍ପର୍କରେ ଏଛନ୍ତି ତ ଅବଗତ। ଯଦି ସେମାନେ ଜାଣିଛନ୍ତି ତାହେଲେ ଏଭଳି ଦୁର୍ନିତି କାହିଁକି ବୋଲି ଲୋକେ ପ୍ରଶ୍ନ କରିଛନ୍ତି। ଯଦି ଜାଣି ନାହାନ୍ତି ତେବେ ସିଏମସି କମିଶନର କାହା କଥାରେ ଏଭଳି କରୁଛନ୍ତି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। କେଉଁ ଆଧାରରେ ଏମାନଙ୍କୁ ନିଯୁକ୍ତି ଦେବାପାଇଁ ଚିଠି କରିଛନ୍ତି କମିଶନର ଅନାମ ଚରଣ ପାତ୍ର। ଯାହାର ଉଚ୍ଚସ୍ତରୀୟ ତଦନ୍ତ ଆବଶ୍ୟକ ବୋଲି କହିଛନ୍ତି ସୂଚନା ଅଧିକାର କର୍ମୀ ଜିତେନ୍ଦ୍ର କୁମାର ସାହୁ। ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ କହୁଛି କମିଶନର ୩ ଜଣଙ୍କୁ ଚାକିରି ଦେବାକୁ ସୁପାରିଶ କରିଛନ୍ତିି। ଏପରି କି ସେମାନଙ୍କର ଦରମା ବି ଧାର୍ଯ୍ୟ କରିଛନ୍ତି। ତଥ୍ୟ କହୁଛି କମିଶନର ଅନାମ ଚରଣ ପାତ୍ରଙ୍କ ସମ୍ପର୍କୀୟ ସୁପ୍ରଭା ପାତ୍ରଙ୍କୁ ୩୦ହଜାର ଟଙ୍କାରେ ସ୍ୱର୍ଣ୍ଣଦେବୀ ଏଜେନ୍ସି ମା୍ମମରେ ନିଯୁକ୍ତି ଦିଆଯାଇଛି। ଆଉ ଏହା ଜଣା ପଡିବା ପରେ ଚର୍ଚ୍ଚା ଏବେ ଜୋର ଧରିଛି। କଟକ ମହାନଗର ନିଗମ କମିଶନର ଠିକାସଂସ୍ଥା ସ୍ୱର୍ଣ୍ଣଦେବୀ ଏଜେନ୍ସିକୁ ନିର୍ଦ୍ଧିଷ୍ଟ ୩ଜଣଙ୍କୁ ସିଏମସିରେ ୩୦ହଜାର ଓ ୧୬ହଜାର ୫ଶହ ଟଙ୍କାରେ ଚାକିରୀ ଦେବାପାଇଁ ଚିଠି ହୋଇଛିି । ଠିକାସଂସ୍ଥା ସ୍ୱର୍ଣ୍ଣଦେବୀ ଏଜେନ୍ସି ମାଧ୍ୟମରେ ସିଏମସିରେ ସିଧାସଳଖ ନିର୍ଦ୍ଧିଷ୍ଟ ବ୍ୟକ୍ତିଙ୍କ ନାମ ଓ ଦରମା ଉଲ୍ଲେଖ କରି ଚିଠି କରିବାର ଉଦ୍ଦେଶ୍ୟ କଣ ବୋଲି ପ୍ରଶ୍ନ ଉଠିଛି।