ଏଆଇଏଲଏଜେର ସାଧାରଣ ସଭା

#କଟକ(ଏନ୍‌.ଏମ୍‌.): ସ୍ଥାନୀୟ ପାନ୍ଥନିବାସ ଠାରେ ଏଆଇଏଲଏଜେ (ଅଲ ଇଣ୍ଡିଆ ଲୟର୍ସ ଆସୋସିଏସନ ଫର ଜଷ୍ଟିସ) ପକ୍ଷରୁ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଏଥିରେ ରାଷ୍ଟ୍ରୀୟ ସଭାପତି ମୈତ୍ରୀ କ୍ରିଷ୍ଣାୟାନ ଯୋଗଦେଇ ଆଇନଜୀବୀଙ୍କ ବିଭିନ୍ନ ସମସ୍ୟା ଓ ସମାଧାନ ଦିଗରେ ଆଲୋଚନା କରିଥିଲେ । ଏହି ଅବସରରେ ‘ଓଡ଼ିଶା ସୁରକ୍ଷା ଆଇନ-୨୦୨୩’ ଡ୍ରାଫ୍ଟ ପ୍ରସ୍ତାବ ଅନୁମୋଦିତ ହୋଇଥିଲା । ଏହି ବୈଠକରେ ସଂଯୋଜକ ବରିଷ୍ଠ ଆଇନଜୀବୀ ଗୁରୁପ୍ରସାଦ ମହାନ୍ତି, ଉପ ସଂଯୋଜକ ଆଇନଜୀବୀ ଧନୋଜ କୁମାର ସାହୁ ତାଙ୍କର ବକ୍ତବ୍ୟ ଉପସ୍ଥାପନା କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଅଗସ୍ଥି କାନୁନଗୋ, ପ୍ରଶାନ୍ତ କୁମାର ଜେନା, ଆଲୋକ କୁମାର ନନ୍ଦ, ଗୋପାଳ କୃଷ୍ଣ ମହାନ୍ତି, ପୂର୍ବତନ ଓଏସବିସି ଅକ୍ଷୟ କୁମାର ପତି, ଲକ୍ଷ୍ମୀନାରାୟଣ ପଟେଲଙ୍କ ସମେତ ବିଭିନ୍ନ ବାରର ପ୍ରତିନିଧି ଯୋଗଦେଇଥିଲେ । ପଞ୍ଚାନନ ସାହୁ, ବିଜୟ କୁମାର ବେହେରା, ଦେବୀପ୍ରସାଦ ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ ।