ଉଷୁମା ଚାଷୀ ମୃତ୍ୟୁ ପରିବାରକୁ ଭେଟିଲେ ଚାଷୀ ଓ ଚାଷ ବଞ୍ଚାଓ ଅଭିଯାନ
କଟକ(ଏନ୍.ଏମ୍.): ଉଷୁମା ପଞ୍ଚାୟତ ସୁମାଣ୍ଡିି ଗ୍ରାମର ଚାଷୀ ମୃତ୍ୟୁ ଘଟଣାରେ ଚାଷୀ ଓ ଚାଷ ବଞ୍ଚାଅ ଅଭିଯାନ ପକ୍ଷରୁ ଏକ ତଥ୍ୟ ସଂଗ୍ରହକାରୀ ଦଳ ମୃତକଙ୍କ ପରିବାରକୁ ଭେଟିବା ସହ ସ୍ଥାନୀୟ ଲୋକଙ୍କ ପାଖରୁ ତଥ୍ୟ ସଂଗ୍ରହ କରିଥିଲ। ପରିବାର ସଦସ୍ଯ ଓ ସ୍ଥାନୀୟ ଲୋକଙ୍କ କହବା ଅନୁଯାୟୀ ଦୁଇ ଥର ଲଘୁଚାପ ବହୁଦିନ ଧରି ଅଦିନିଆ ବର୍ଷା ଫଳରେ ସେ ଅଞ୍ଚଳର ଧାନ ସହ ସମସ୍ତ ପନିପରିବା ଫସଲ ଚାଷୀ ହରାଇଛନ୍ତି। ସେହିଭଳି ଚାଷୀ ଇନ୍ଦ୍ରଜିତ ଛାଟ୍ଟୋଇ ୪ ଏକରରୁ ଅଧିକ ଅଧିକ ଜମିରେ ଧାନ ଓ ପନିପରିବା ଚାଷ କରିଥିଲେ। ତାଙ୍କର ସମସ୍ତ ଫସଲ ଉଜୁଡ଼ି ଯାଇଥିଲା। ପରିବାରବର୍ଗ ଓ ସ୍ଥାନୀୟ ଲୋକଙ୍କ କହବା କଥା ସେଥି ପାଇଁ ସେ ଘୋର ଅବସାଦ ଭିତରେ ଥିଲେ। କାରଣ ସେ କୃଷି ଋଣ ଏବଂ ବରୋଦା ବ୍ୟାଙ୍କରୁ ସୁନା ବନ୍ଦକ ରଖି ବହୁ ପରିମାଣରେ ଋଣ କରିଥିଲେ। ଫସଲ ନଷ୍ଟ ହେବା ଫଳରେ ଋଣ ନେଇ ଘୋର ଅବସାଦ ଭିତରେ ଥିଲେ। ଏହି ଅବସାଦ ଯନ୍ତ୍ରଣା ତାଙ୍କର ମୃତ୍ୟୁର କାରଣ ପାଲଟିଗଲା। ବର୍ତ୍ତମାନ ତାଙ୍କର ପତ୍ନୀ ଘୋର ହତାଶା ଭିତରେ ଅଛନ୍ତି। ଗୋଟିଏ ପଟେ ସ୍ୱାମୀଙ୍କୁ ହରାଇ ପତ୍ନୀ ଅବସାଦଗ୍ରସ୍ତ ହୋଇଥିବା ବେଳେ ଋଣ ବୋଝ ପରିବାରକୁ ଘୋର ସଂଙ୍କଟ ମଧ୍ୟକୁ ନେଇ ଯାଇଛି। ତଥ୍ୟ ସଂଗ୍ରହକାରୀ ଦଳ ପକ୍ଷରୁ ଚାଷ ଓ ଚାଷୀ ବଞ୍ଚାଓ ଅଭିଯାନ ପକ୍ଷରୁ ସଂଯୋଜକ ଯୁଗଳ କିଶୋର ନାୟକ, ଖଗେଶ୍ୱର ସେଠୀ, ଆଇନଜୀବୀ ସୁକାନ୍ତ ନାୟକ, ଇଂ. କ୍ଷୀରୋଦ ମହାପାତ୍ର, ଚାଷୀ ନେତା ରାଜକିଶୋର ମଲ୍ଲିକ, ପ୍ରମୋଦ ମାହାପାତ୍ର, ଅକ୍ଷୟ ରାଉଳ, ପ୍ରକାଶ ଚନ୍ଦ୍ର ରାଉତରାୟ, ଅମୀୟ ଜେନା ପ୍ରମୁଖ ଏହି ତଥ୍ଯ ସଂଗ୍ରହକାରୀ ଦଳରେ ଉପସ୍ଥିତ ଥିଲେ। ଏହା ଉପରେ ତଥ୍ୟ ଭିତ୍ତିକ ଏକ ରିପୋର୍ଟ ପ୍ରସ୍ତୁତ କରାଯାଇ ସରକାରଙ୍କ ଅବଗତି ନିମନ୍ତେ ପଠାଯିବ। ସରକାର ଋଣ ଛାଡ କରି ଓ ତୁରନ୍ତ ଫସଲ ହାନି କ୍ଷତିପୂରଣ ଦେବାକୁ ଅଭିଯାନ ପକ୍ଷରୁ ଦାବି କରାଯାଇଛି। ଚାଷୀ ଓ ଚାଷ ବଞ୍ଚାଓ ଅଭିଯାନ ଆଗକୁ କୃଷକ ଆତ୍ମହତ୍ଯା ସ୍ଥାନମାନଙ୍କୁ ଯାଇ ତଥ୍ୟ ସଂଗ୍ରହ କରବ।