ଆମେରିକାରେ ଭାରତୀୟଙ୍କୁ ନିର୍ଯ୍ୟାତନା ପ୍ରତିବାଦରେ ଟ୍ରମ୍ପ ଓ ମୋଦିଙ୍କ କୁଶ ପୁତ୍ତଳିକା ଦାହ
କଟକ (ଏନ୍.ଏମ୍.): ସୀମାଟପିଛି ଯନ୍ତ୍ରଣା। କଠୋର ହୋଇଛି ଟ୍ରମ୍ପ ଶାସନ। ଆମେରିକାରେ ରହୁଥିବା ଭାରତୀୟଙ୍କୁ ଟ୍ରମ୍ପ ସରକାର କରୁଛି ବିଦା। କାହିଁକିଁ ଟ୍ରମ୍ପଙ୍କ ଏଭଳି ମାନସିକତା। ଟ୍ରମ୍ପ ଭୁଲିଗଲେକି ମାନବିକତା। ଦେଶରୁ ଭାରତୀୟଙ୍କୁ ବାହାରକରିବା ଦେଶର ନିଷ୍ପତି। କିନ୍ତୁ ନିର୍ଯ୍ୟାତନା ଦେଇ ହାତ ଗୋଡ଼ ବାନ୍ଧି ବିଦା କରିବାକୁ ବିରୋଧ କରିଛି ସିପିଆଇ(ଏମ)। ଖାଲି ବିରୋଧ କରିନି ମୋଦୀ ଓ ଟ୍ରମ୍ପଙ୍କ ଫଟୋକୁ ନିଆଁ ବି ଳଗେଇ ଦେଇଛନ୍ତି। ଦେଖନ୍ତୁ ଭିଡିଓକୁ କେମିତି ହୁତୁହୁତୁ ହୋଇ ଜଳୁଛି ମୋଦୀ ଓ ଟମ୍ପଙ୍କ ଫଟୋଚିତ୍ର। ଆମେରିକାରେ ବର୍ଷ ବର୍ଷ ଧରି ବସବାସ କରୁଛନ୍ତି ବହୁ ଭାରତୀୟ। କିନ୍ତୁ ଭାରତୀୟଙ୍କ ପ୍ରତି ଟ୍ରମ୍ପ ବର୍ବରୋଚିତ କାର୍ଯ୍ୟାନୁଷ୍ଠାନକୁ କରାଯାଇଛଇ ପ୍ରତିବାଦ। ପ୍ରତିବାଦ ସୂରୁପ କଟକ ଜିଲ୍ଲାପାଳ ଅଫିସ ସାମନାରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଟ୍ରମ୍ପ ଓ ମୋଦିଙ୍କର କୁଶ ପୁତ୍ତଳିକା ଦାହ କରାଯାଇଥିଲା। କଚେରୀଗଡ଼ାରୁ ଏକ ପଟୁଆର ବାହାରି ଜିଲ୍ଲାପାଳଙ୍କ ଅଫିସ ଆଗରେ ପହଞ୍ଚିଥିଲା। ଦେଖନ୍ତୁ କିଭଳି ଚାଲିଛି ପ୍ରତିବାଦ। ଜିଲ୍ଲା ସଂପାଦକ ବଦ୍ରିନାରାୟଣ ଦାଶଙ୍କ ସଭାପତିତ୍ୱରେ ଆୟୋଜିତ ହୋଇଥିଲା ସଭା। ସଭାରେ ଉଦବୋଧନ ଦେଇଥିଲେ ବରିଷ୍ଠ ନେତା ରବିନାରାୟଣ ମଲ୍ଲିକ। ଡୋନାଲଡଟ୍ରମ୍ପ୍ କ୍ଷମତାକୁ ଫେରିବା ପରେ ପ୍ରବାସୀ ଭାରତୀୟଙ୍କୁ ଦେଉଛନ୍ତି ନିର୍ଯ୍ୟାତନା। ବେଆଇନ ଅନୁପ୍ରବେଶକାରୀ ଆଖ୍ୟା ଦେଇ ଶହ ଶହ ଭାରତୀୟ ଶିଶୁ, ମହିଳା ଓ ବୃଦ୍ଧବୃଦ୍ଧାଙ୍କୁ ନେଇ ଆସନ୍ତି ନିଜ ପାଖକୁ। ଆଉ ତା’ପରେ ହାତଗୋଡ଼ରେ ବେଡ଼ି ପକାଇ ସାମରିକ ବିମାନରେ ଭାରତକୁ ପଠାଇ ଦିଆଯାଉଛି। ଆନ୍ତର୍ଜାତୀୟ ମିଡିଆରେ ଏଭଳି ଲୋମହର୍ଷଣକାରୀ ଚିତ୍ର ପ୍ରକାଶ କରିବା ପରେ ଦେଶବ୍ୟାପୀ ଦେଖାଦେଇଛି ବିରୋଧ। ୫୬ ଇଞ୍ଚ ଚଉଡ଼ା ଛାତି କୁଆଡ଼େ ଗଲା ବୋଲି କରିଛନ୍ତି ପ୍ରଶ୍ନ। ପ୍ରଧାନମନ୍ତ୍ରୀଙ୍କ ପାଟିରୁ ପଦୁଟିଏ ବି କିଛି କଥା ବାହାରୁ ନାହିଁ। ଓଲଟି ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କର ଏହାକୁ ଷ୍ଟାଣ୍ଡାର୍ଡ ଅପରେଟିଂ ପ୍ରସିଡ଼ିରେ କହି ନିର୍ଲଜ୍ଜ ପଣିଆର ସୀମା ଟପିଗଲେ। କ୍ଷୁଦ୍ର ରାଷ୍ଟ୍ର କଲମ୍ବିଆର ବାମପନ୍ଥୀ ରାଷ୍ଟ୍ରପତି ଯଦି ଆମେରିକାର ସାମରିକ ବିମାନକୁ ଫେରାଇ ଦେଇଛନ୍ତି। ନିଜ ବିମାନରେ ନିଜ ନାଗରିକଙ୍କୁ ସମ୍ମାନରେ ଫେରାଇ ଆଣି ପାରିଲା; ତେବେ ନିଜକୁ ବିଶ୍ୱଗୁରୁ ବୋଲାଉଥିବା ଭାରତର ପ୍ରଧାନମନ୍ତ୍ରୀ ମୋଦି କାହିଁକି ଏପରି କଲେ ନାହିଁ ବୋଲି ପ୍ରଶ୍ନ ଉଠିଛି। ଏହି ବିକ୍ଷୋଭରେ ପ୍ରତାପ ମହାପାତ୍ର, ବିଷ୍ଣୁ ବେହେରା, ଅଭୟ ସ୍ୱାଇଁ, ରମେଶ ବେହେରା, ଡମ୍ବୁରୁଧର ସାହୁ, ମନମୋହନ ପତି, ରଶ୍ମିରଞ୍ଜନ ତ୍ରିପାଠୀ, ସୁଭାଷ ଚନ୍ଦ୍ର ବେଜ୍, ଅଜିତ୍ ଲେଙ୍କା, ଚନ୍ଦ୍ରକାନ୍ତ ବେହେରା ପ୍ରମୁଖ ମୋଦି ସରକାରଙ୍କୁ ଭାରତ ବିରୋଧୀବୋଲି ଚିତ୍ରଣ କରିଥିଲେ। ଏଥିସହିତ ଏହି ନୀତି ବିରୋଧରେ ପ୍ରକୃତ ଦେଶପ୍ରେମୀମାନେ ଏହାର ଐକ୍ୟବଦ୍ଧ ପ୍ରତିବାଦ ଆନ୍ଦୋଳନକୁ ବ୍ୟାପକ କରିବାକୁ ଆହ୍ୱାନ ଦେଇଥିଲେ।