ଆଧ୍ୟାତ୍ମିକ କବି ଚିତ୍ରସେନ ମହାରଣାଙ୍କୁ ମିଳିବ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର

#ଗଞ୍ଜାମ(ଏନ୍‌.ଏମ୍‌.): ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ଝାଡ଼ବାଇ ଗ୍ରାମ ପଞ୍ଚାୟତ ନିକଟସ୍ଥ ଗାଙ୍ଗନାପୁର ଗ୍ରାମର ଆଧ୍ୟାତ୍ମିକ କବି ଚିତ୍ରସେନ ମହାରଣାଙ୍କୁ ଓଡ଼ିଶା ସାହିତ୍ୟ ଏକାଡେମୀ ତରଫରୁ ପୁରସ୍କାର ପ୍ରଦାନ କରାଯିବ । ସେ ଗଞ୍ଜାମ ଜିଲ୍ଲାର ବହୁତ୍ ସାହିତ୍ୟ ଅନୁଷ୍ଠାନରୁ ସମ୍ମାନିତ ହୋଇଛନ୍ତି । କହିବାକୁ ଗଲେ ସେ ଜଣେ ଆଧ୍ୟାତ୍ମିକ କବି । ସେ ଚତୁର୍ଥ ଶ୍ରେଣୀରୁ କବିତା ଲେଖିବା ଆରମ୍ଭ କରିଥିଲେ;କିନ୍ତୁ ତାହା ଲୋକ ଲୋଚନ କୁ ଆସି ନଥିଲା । ମାତ୍ର ୨୦୨୦ ମସିହାରେ ତାଙ୍କର ଗୋଟିଏ ଭଜନ ଲୋକ ଲୋଚନକୁ ଆସିଥିଲା ‘ଜୟ ମାଆ ରୁଦ୍ରକାଳୀ…’, ଏହି କବିତାରୁ ସେ ଲୋକ ଲୋଚନକୁ ଆସିଥିଲେ । ଚିତ୍ରସେନଙ୍କୁ ୨୦୨୩ ଅଗଷ୍ଟ ୨୮ ତାରିଖ ଦିନ ଆଧ୍ୟାତ୍ମିକ କବି ଉପାଧି ମିଳିଛି, ସେ ଘରର ଆର୍ôଥକ ପରିସ୍ଥିତି ଯୋଗୁଁ ସେ ବହୁତ୍ ପାଠ ପଢ଼ି ନାହାନ୍ତି ମାତ୍ର ଦଶମ ଶ୍ରେଣୀ ପଢ଼ି ରହି ଯାଇଛନ୍ତି । ତାଙ୍କର ପ୍ରତେକ କବିତା, ଗଳ୍ପ, ପ୍ରବନ୍ଧରେ ଲେଖିବା ଶୈଳୀ ସ୍ୱତନ୍ତ୍ର । କେବଳ ଆଧ୍ୟାତ୍ମିକ ହିଁ ଲେଖନ୍ତି, ଚିତ୍ରସେନ ଲେଖିଥିବା ବିଶ୍ୱକର୍ମା ବନ୍ଦନାଟି ଷଷ୍ଠ ଶ୍ରେଣୀର ସାହିତ୍ୟ ବହିରେ ପ୍ରକାଶିତ ହେବ । ଆସନ୍ତା ଡିସେମ୍ବର ୧୩ ତାରିଖ ଦିନ ଚିତ୍ରସେନଙ୍କୁ ଓଡ଼ିଶା ସାହିତ୍ୟ ଏକାଡେମୀ ତରଫରୁ ପୁରସ୍କାର ପ୍ରଦାନ କରାଯିବ ।