ଆଞ୍ଚଳିକ ନାଗରିକ ମଞ୍ଚ ପକ୍ଷରୁ ବିଜୟ ଦିବସ


#ଘସିପୁରା(ଏନ୍‌.ଏମ୍‌.): କେନ୍ଦୁଝର ଜିଲ୍ଲା ଘସିପୁରା ବ୍ଲକ ଅନ୍ତର୍ଗତ ସାଇଁକୁଳ ସବ୍ ରେଜିଷ୍ଟ୍ରାର ଅଫିସ୍ କାର୍ଯ୍ୟଳୟ ସମ୍ମୁଖରେ ଆଜି ବିଜୟ ଦିବସ ପାଳିତ ହୋଇଯାଇଛି । ଖବର ଅନୁଯାୟୀ, ସାଇଁକୁଳ ଠାରେ ସବ୍ ରେଜିଷ୍ଟ୍ରାର ଅଫିସ୍ ନ କରାଇ ଦେବା ପାଇଁ ବିଦ୍ରୋହୀ ମାନେ ଚକ୍ରାନ୍ତ ଓ ଷଡଯନ୍ତ୍ର କରୁଥିବା ବେଳେ ଆଞ୍ଚଳିକ ନାଗରିକ ମଞ୍ଚ ପକ୍ଷରୁ ବୋହୁ ଘାତ ପ୍ରତିଘାତରେ ସବ୍ ରେଜିଷ୍ଟ୍ରାର କାର୍ଯ୍ୟଳୟ ସାଇଁକୁଳ ଠାରେ ସ୍ଥାପନ କରାଯାଇଥିଲା । ତାହାକୁ ଏକ ସ୍ମରଣୀୟ ଓ ବିଜୟ ଦିବସ ରୂପେ ରବିବାର ଦିନ ଆଞ୍ଚଳିକ ନାଗରିକ ମଞ୍ଚର ସଭାପତି ଅନନ୍ତ ଚରଣ ସ୍ୱାଇଁଙ୍କ ତତ୍ତ୍ୱାବଧାନରେ ପାଳନ କରଯାଇଛି । ଏହି କାର୍ଯ୍ୟକ୍ରମରେ ଆଞ୍ଚଳିକ ନାଗରିକ ମଞ୍ଚ ରେ ଜଡିତ ଥିବା ପନ୍ଦର ଗୋଟି ପଂଚାୟତ ର ବୁଦ୍ଧିଜୀବୀ ମାନେ ଯୋଗଦେଇଥିଲେ । ମୁଖ୍ୟ ଅତିଥି ଭାବେ ନିର୍ମଳ ଚନ୍ଦ୍ର ବେହେରା,ମୁଖ୍ୟ ବକ୍ତା ଭାବେ ପ୍ରଦୀପ କୁମାର ଚକ୍ର, ସମ୍ମାନୀତ ଅତିଥି ଭାବେ ସସ୍ମିତା ପଟ୍ଟନାୟକ, ଦୁଷ୍ମନ୍ତ ଜେନା, ବିପିନ୍ ବିହାରୀ ମାଝୀ, ଗୌରାଙ୍ଗ ବେହେରା, ବିମ୍ବାଧର ସାମଲ ଯୋଗ ଦେଇଥିବା ବେଳେ ମଞ୍ଚ ପରିଚାଳନା ବ୍ରହ୍ମାନନ୍ଦ ପଟ୍ଟନାୟକ, ମାର୍କଣ୍ଡି ସାମଲ କରିଥିଲେ । ସାଇଁକୁଳରେ ସବ ରେଜିଷ୍ଟ୍ରାର କାର୍ଯ୍ୟାଳୟ ସ୍ଥାପନ ନେଇ ଆଞ୍ଚଳିକ ନାଗରିକ ମଞ୍ଚ ର ସମସ୍ତ ସଦସ୍ୟ ଓ ସାଧାରଣ ଲୋକଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଥିବାରୁ ଆଜି ଏହି ବିଜୟ ଦିବସ ପାଳନ ହୋଇପାରିଛି ବୋଲି ଅତିଥି ମାନେ ପ୍ରକାଶ କରିଥିଲେ । ତତ୍ ସହିତ ସପ୍ତାହରେ ତିନିଦିନ ଏଠାରେ କାର୍ଯ୍ୟଳୟ ଖୋଲା ରୋହୁଛି । କିପରି ସବୁଦିନ ଖୋଲା ଯାଇ ପାରିବ ସେନେଇ ଆମକୁ ଆହୁରି ସଂଗଠିତ ହୋଇ କାର୍ଯ୍ୟ କରିବାକୁ ପଡିବ ବୋଲି ସଭାପତି କହିଥିଲେ । ଏହି କାର୍ଯ୍ୟକ୍ରମକୁ ପରିଚାଳନା ରେ ଅବସରପ୍ରାପ୍ତ ସେନା ଅଧିକାରୀ ସନ୍ତୋଷ କୁମାର ସ୍ୱାଇଁ, ଚିତ୍ତରଞ୍ଜନ ପରିଡ଼ା, ଅଶୋକ ଘଡେଇ, ବିଷ୍ଣୁ ସାମଲ, ବ୍ରହ୍ମା ସାମଲ, ପ୍ଲାବନ୍ ପରିଡ଼ା, ବିକାସ ଚକ୍ର, ହାଡ଼ିବନ୍ଧୁ ପରିଡ଼ା,ତ୍ରିଲୋଚନ ପରିଡ଼ା ସହଯୋଗ କରିଥିଲେ । ପରିଶେଷରେ ଧରଣୀଧର ମହାପାତ୍ର ଧନ୍ୟବାଦ୍ ଅର୍ପଣ କରିଥିଲେ ।

By admin

Leave a Reply

Your email address will not be published. Required fields are marked *