ଅର୍ଣ୍ଣପାଳ ଛକରେ ୟୁନିଅନ ବ୍ୟାଙ୍କର ନୂତନ ଶାଖା ଉଦ୍ଘାଟିତ
#ଭଦ୍ରକ(ଏନ୍.ଏମ୍.): ଭଦ୍ରକ ଜିଲ୍ଲା ଅର୍ଣ୍ଣପାଳ ଛକରେ ୟୁନିଅନ ବ୍ୟାଙ୍କର ନୂତନ ଶାଖା ଉଦ୍ଘାଟିତ ହୋଇଯାଇଛି । ମୁଖ୍ୟଅତିଥି ଭାବରେ ଯୋଗ ଦେଇ ରିଜିଓନାଲ ହେଡ ଜୟ ଗୋପାଳ ବେହେରା ଏହି ଶାଖାକୁ ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ । ଏହି ଅବସରରେ ସେ ବ୍ୟାଙ୍କର ବିଭିନ୍ନ ଲୋକାଭିମୁଖୀ ଉପାଦେୟ ଉପରେ ଆଲୋକପାତ କରିଥିଲେ । ଅନ୍ୟତମ ଅତିଥିମାନେ ବ୍ୟାଙ୍କର ଉତ୍ତମ ଗ୍ରାହକ ସେବା ପାଇଁ ପ୍ରସଂଶା କରିଥିଲେ । ସଭାରେ ବ୍ୟାଙ୍କ ତରଫରୁ କିଛି ସାଙ୍କସନ ଲେଟର ବଣ୍ଟା ଯାଇଥିଲା । ବିଷ୍ଣୁପୁର ପଞ୍ଚାୟତ ସରପଞ୍ଚ ପଦ୍ମାବତୀ ପୃଷ୍ଟି ଓ ଅର୍ଣ୍ଣପାଳ ପଞ୍ଚାୟତ ସରପଞ୍ଚ ମୀନାରାଣୀ ମହାଳିକ ଯୋଗ ଦେଇ ନୂତନ ଶାଖା କିପରି ସେ ଅଞ୍ଚଳରେ ଅଧିକରୁ ଅଧିକ ଲୋକାଦୃତ ହୋଇପାରିବ ସେ ଉପରେ ଆଲୋଚନା କରିଥିଲେ । ବିଡ଼ିଓ ସୀତାକାନ୍ତ ରାଉତ, ଲିଡ ଡିଷ୍ଟିକ ମ୍ୟାନେଜର ନାଗେଶ୍ୱର ରାଓ, ଡେପୁଟି ରିଜିଓନାଲ ହେଡ ବିପିନ କିଶୋର ଏକ୍କା, ଶାଖା ପରିଚାଳକ ବିକାଶ କୁମାର ସ୍ୱାଇଁ ପ୍ରମୁଖ ଉପସ୍ଥିତ ଥିଲେ । ଦୁଇ ସହରୁ ଉର୍ଦ୍ଧ୍ୱ ସ୍ଥାନୀୟ ଲୋକ ଏହି ସଭାରେ ଯୋଗ ଦେଇ ଥିଲେ । ଶାଖା ପରିଚାଳକ ବିକାଶ କୁମାର ସ୍ୱାଇଁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା । ଡେପୁଟି ରିଜିଓନାଲ ହେଡ ଶ୍ରୀଯୁକ୍ତ ଏକ୍କା ଧନ୍ୟବାଦ ଦେଇଥିଲେ ।