ଅବକାରୀ ବିଭାଗର ଚଢ଼ାଉ ୬୦ କେଜି ଗଞ୍ଜେଇ ଜବତ ଜଣେ ଗିରଫ

#ନରସିଂହପୁର(ଏନ୍‌.ଏମ୍‌.): ଅବକାରୀ ବିଭାଗ ଚଢ଼ାଉ କରି ୬୦ କେଜି ଗଞ୍ଜେଉ ଜବତ କରିବା ସହ ଜଣେ ବ୍ୟକ୍ତିଙ୍କୁ ଗିରଫ କରିଛି । ସୂଚନା ଅନୁଯାୟୀ କଟକ ଜିଲ୍ଲା ନରସିଂହପୁର ବାଘ ଧରିଆ ଛକ ଠାରେ ଅବକାରୀ ବିଭାଗ ଆଠଗଡ଼ ଓ ନରସିଂହପୁର ପକ୍ଷରୁ ମିଳିତ ପେଟ୍ରୋଲିଙ୍ଗ ବେଳେ ଗଞ୍ଜେଇ ଚୋରା ଚାଲଣକାରୀକୁ ମାଡ଼ିବସିଥିଲେ । ଓଡି୦୨ ଏଜେ ୪୯୧୭ ନମ୍ବର ବିଶିଷ୍ଟ ମାରୁତି ସୁଇପ୍ଟ ଡିଜାୟର ଗାଡିରେ ଏହି ଗଞ୍ଜେଇ ଚେରାରେ ଚାଲଣ ହେଉଥିଲା । ଗିରଫ ଯୁବକଙ୍କ ଘର ନୟାଗଡ଼ ଅଞ୍ଚଳରେ ହୋଇଥିବାବେଳେ ତାଙ୍କ ନାମ ମାନସ ପ୍ରଧାନ ବୋଲି ଡେପୁଟି ସୁପରିଣ୍ଟେଣ୍ଡେଣ୍ଟ ପ୍ରମୋଦ କୁମାର ପଣ୍ଡା ସୂଚନା ଦେଇଛନ୍ତି । ଅଭିଯୁକ୍ତକୁ ଅବକାରୀ ଆକ୍ଟ ୫୭ ରେ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ତେବେ ଏହି ଗଞ୍ଜେଇ ବୋଝେଇ ଗାଡିଟି କନ୍ଧମାଳ ଅଞ୍ଚଳରୁ ପଶ୍ଚିମବଙ୍ଗ ଅଭିମୁଖେ ଯିବା ବେଳେ ଅବକାରୀ ବିଭାଗ ହାତରେ ଧରାପଡ଼ିଥିଲା । ଏହି ଚଢ଼ାଉ ବେଳେ ଅବକାରୀ ବିଭାଗ ଇନ୍ସପେକ୍ଟର କେଶବ ଚନ୍ଦ୍ର ଦାସ. ଅରୁଣ ଭୋଇ.ଏଏସଇ ସଞ୍ଜୟ କୁମାର ରାଉତ ପ୍ରମୁଖ ସାମିଲ ଥିଲେ ।