ଅପରେସନ ଗରୁଡ଼ ପୋଲିସର ଢାଲ
କଟକ(ଏନ୍.ଏମ୍.): ସାଧାରଣ ଲୋକଙ୍କୁ ସେବା ଓ ସୁରକ୍ଷା ଯୋଗାଇ ଦେବ ଓଡିଶା ପୋଲିସ। ଅଗଷ୍ଟ ୧ରୁ ଆରମ୍ଭ ହୋଇଛି ଅପରେସନ ଗୁରୁଡ଼। ର।।ଜ୍ୟ ଆରକ୍ଷୀ ମହାନିର୍ଦ୍ଦେଶକ ୱାଇ ବି ଖୁରାନିଆଙ୍କ ନିର୍ଦ୍ଦେଶରେ ଚାଲିଛି ଏଭଳି ଅପରେସନ। ରାଜ୍ୟର ସମସ୍ତ ଜିଲ୍ଲାରେ ପଡ଼ିଛି ଏହାର ପ୍ରଭାବ। ଯାହାକି ଅପରାଧିଙ୍କ ଭିତରେ ସୃଷ୍ଟି କରିଛି କୋକୁଆ ଭୟ। ଏସପିଙ୍କ ନେତୃତ୍ୱରେ ଅପେରସନ”ଗରୁଡ଼’କୁ କରାଯାଉଛି ତ୍ୱରାନ୍ୱିତ। ଅଗଷ୍ଟ ୧୪ ତାରିଖ ପର୍ଯ୍ୟନ୍ତ ଚାଲିବ ଏଭଳି ସ୍ୱେଶାଲ ଡ୍ରାଇଭ। ଅପରେସନର ସଫଳତାକୁ ନେଇ ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ସଞ୍ଜୟ କୁମାର ଦେଇଛନ୍ତତି ସପ୍ତାହକର ହିସାବ। ଅପରାଧ ରୋକିବାକୁ ଅପରେସନ଼କୁ କରାଯାଉଛି ଜୋରଦାର। ଅପରେସନ ଗରୁଡ଼ର ପ୍ରଥମ ସପ୍ତାହରେ ପୋଲିସକୁ ମିଳିଛି ବେଶ ଭଲ ସଫଳତା। ସପ୍ତାହକ ମଧ୍ୟରେ ୮୯୦ଟି ଅବକାରୀ ମାମଲା ରୁଜୁ କୀରାଯାଇଛି। ଆଉ ୧୭୦୬୯ ଲିଟର ମଦକୁ ଜବତ ହୋଇଛି। ସେହିପରି ଏନବିଡବ୍ଲୁରେ ୩୧୮୯ ଜଣଙ୍କୁ ଗିରଫ କରାଯାଇଛି। ଅନ୍ୟପକ୍ଷରେ ୫୧ଟି ଅସ୍ତଶସ୍ତ୍ର,୯୫ ଗୁଳିଗୋଳା ଓ ୧ଲକ୍ଷ ୪୫ ହଜାର ୫୦୦ଟଙ୍କା ଜବତ କରାଯାଇଛି। ଗଞ୍ଜେଇ ଚାଲାଣ ଓ ଏନଡିପିଏସରେ ୧୧ଟି ମାମଲା ରୁଜୁ ହୋଇଛି। ପୋଲିସ ୮୮୮ କିଲୋଗ୍ରାମ ଗଞ୍ଜେଇ ଓ ୬୮.୫୭ ଗ୍ରାମ ବ୍ରାଉନସୁଗାର ଜବତ କରିଛି । କାରବାରରେ ବ୍ୟବହୃତ ୨ଟି କାର ସହ ୬୩,୭୫୦ ଟଙ୍କା ସିଜ କରିଥିଲା। ସେହିପରି ଜୁଆ ଆଡ୍ଡାରେ ପୋଲିସ ଚଢାଉ କରି ୧୧ଟି ମାମଲା ରୁଜୁ କରିଛି। ଗିରଫ ୧୨୯ ଜଣଙ୍କ ଠାରୁ ୨,୭୯,୪୮୫ ଟଙ୍କା ଜବତ ହୋଇଛି। ଅନ୍ୟପକ୍ଷରେ ନିଶାଶକ୍ତ ଗାଡି ଚଳାକଙ୍କ ନାଁରେ ୧୧୫ ମାମଲା ରୁଜୁ ହୋଇଛି। ମାମଲା ଅନୁଯାୟୀ ୧୧୫ ଗାଡ଼ିକୁ ଜବତ କରାଯାଇଛି। ବେଆଇନ ଅସ୍ତ୍ରଶସ୍ତ୍ର ଚାଲଣ ଘଟଣାରେ ଗଞ୍ଜାମ ପୋଲିସ ୧୦ ଟି ବନ୍ଧୁକ ଜବତ କରି ୧୩ ଜଣଙ୍କୁ ଗିରଫ କରିଛି। ସେହିପରି ରାଉରକେଲା ପୋଲିସ ୧୦ ଟି ବନ୍ଧୁକ ଜବତ କରିଛି। କନ୍ଧମାଳ ପୋଲିସ ୫୩୫ କେଜି ଗଞ୍ଜେଇ ଜବତ ସହ ୧୫ଜଣଙ୍କୁ ଗିରଫ କରିଛି। ଅବକାରୀ ମାମଲାରେ କେନ୍ଦୁଝର ପୋଲିସ ସର୍ବାଧିକ ୧୦୭ଟି ମାମଲା ରୁଜୁ କରିଛି। ମାମଲା ଅନୁଯାୟୀ ୧୫୦୯ ଲିଟର ମଦ ଜବତ କରିଛି। ରାଉରକେଲା ପୋଲିସ ଜୁଆଆଡ୍ଡାରେ ଚଢ଼ାଉ କରି ୩ଟି ମାମଲା ରୁଜୁ ସହ ୧,୪୮,୩୩୦ ଟଙ୍କା ଜବତ କରିଛି। ଜୁଆ ମାମଲାରେ ୧୭ ଜଣଙ୍କୁ ଗିରଫ କରାଯାଇଛି। ଆଗକୁ ଏହି ଅଭିଯାନ ଜାରି ରହିବ ବୋଲି କହିଛନ୍ତି ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ।