ମଧୁ ବାରିଷ୍ଟର ଆନ୍ତଃଜିଲ୍ଲା ଆଇନଜୀବୀ କ୍ରିକେଟ ଟୁର୍ଣ୍ଣାମେଣ୍ଟ: ଭୁବନେଶ୍ୱର ବାର ଚମ୍ପିୟାନ


କଟକ(ଏନ୍‌.ଏମ୍‌.): କଟକ ମଧୁ ବାରିଷ୍ଟର ଆଇନଜୀବୀ ସଙ୍ଗଠନ ଆନୁକୂଲ୍ୟରେ ଆଜି ତ୍ରିଶୂଳିଆ ସ୍ଥିତ ନରଣପୁର ଖେଳ ପଡିଆରେ ଚତୁର୍ଥ ବାର୍ଷିକ ଆନ୍ତଃଜିଲ୍ଲା ଆଇନଜୀବୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇ ଯାଇଛି। କଟକ ବାର ଆସୋସିଏସନ ଆଜିର ଦ୍ୱିତୀୟ ସେମିଫାଇନାଲ ମ୍ୟାଚରେ ଢେଙ୍କାନାଳ ବାର ଆସୋସିଏସନକୁ ପରାସ୍ତ କରି ଫାଇନାଲ କୁ ଉତ୍ତୀର୍ଣ୍ଣ ହୋଇଥିଲା। ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଭୁବନେଶ୍ୱର ବାର ଆସୋସିଏସନ ଓ କଟକ ବାର ଆସୋସିଏସନ ମଧ୍ୟରେ ଅନୁଷ୍ଠିତ ହୋଇଥିଲା। ଉକ୍ତ ମ୍ୟାଚରେ ଭୁବନେଶ୍ୱର ବାର ଆସୋସିଏସନ ବିଜୟ ଲାଭ କରି ଚତୁର୍ଥ ବାର୍ଷିକ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୪ର ଚମ୍ପିୟାନ ହୋଇଥିଲେ। ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳି ରୂପେ ଭୁବନେଶ୍ୱର ବାର ଆସୋସିଏସନର ଆଶୁତୋଷ ବେହେରାଙ୍କୁ ପୁରସ୍କୃତ କରାଯାଇଥିଲା। ଉଦଯାପନୀ ଦିବସରେ ବାଙ୍କୀ ବିଧାୟକ ଦେବୀ ରଞ୍ଜନ ତ୍ରିପାଠୀ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ। ଟୁର୍ଣ୍ଣାମେଣ୍ଟର ଉଦଯାପନ ଉତ୍ସବରେ ମାହାଙ୍ଗା ବିଧାୟକ ଶାରଦା ପ୍ରସାଦ ପ୍ରଧାନ ଓ ବରିଷ୍ଠ ଆଇନଜୀବୀ ସୌର ଚନ୍ଦ୍ର ମହାପାତ୍ର ମୁଖ୍ୟଅତିଥି ରୂପେ ଯୋଗଦାନ କରି ଖେଳାଳି ମାନଙ୍କୁ ପୁରସ୍କୃତ କରିଥିଲେ। ଭୁବନେଶ୍ୱର ବାର ଆସୋସିଏସନର ଯୁଗ୍ମ ସମ୍ପାଦକ ଅନ୍ତର୍ଯ୍ୟାମୀ ବିଶ୍ୱାଳ, କଟକ ବାର ଆସୋସିଏସନର ସହ ସମ୍ପାଦକ ନୀତା ଶତପଥୀଙ୍କ ସହିତ ବରିଷ୍ଠ ଆଇନଜୀବୀ ପାର୍ଥ ସାରଥୀ ନାୟକ, ଶରତ ଚନ୍ଦ୍ର ପ୍ରଧାନ, ଧ୍ରୁବ ଚରଣ ରାଉତ, ଶୁଭ୍ରାଂଶୁ ମହାନ୍ତି, ତାପସ ନାୟକ, ନେପାଳ କୁମାର ସାମନ୍ତ, ସ୍ମୃତି ରଞ୍ଜନ ରାଉତ, ସୁବାଶିଷ ପଟନାୟକ, ସ୍ୱଦେଶ ଦାସ ପ୍ରମୁଖ ଉପସ୍ଥିତ ରହିଥିଲେ। ସଙ୍ଗଠନର ଉପଦେଷ୍ଟା ଆଇନଜୀବୀ ଶୁଭେନ୍ଦୁ ମହାନ୍ତି ଅତିଥିମାନଙ୍କୁ ସ୍ୱାଗତ କରିବା ସହିତ ଧନ୍ୟବାଦ ଅର୍ପଣ କରିଥିଲେ। ସଙ୍ଗଠନର ସଭାପତି ସଂଗ୍ରାମ କେଶରୀ ଦାସ, ସମ୍ପାଦକ ଗଗନ ବାରିକ, କୋଷାଧକ୍ଷ ମହେନ୍ଦ୍ର ସୁବୁଦ୍ଧି, ଆଇନଜୀବୀ ନିରଞ୍ଜନ ବେହେରା, ହରି ଓଝା,ରୋହିତ ରଞ୍ଜନ ସ୍ୱାଇଁ,ବିଶ୍ୱଜିତ ସିଂ, ଅରବିନ୍ଦ ପଟ୍ଟନାୟକ,ରଶ୍ମି ରଞ୍ଜନ ସ୍ୱାଇଁ, ପ୍ରଭାତ ସାହୁ, ଲକ୍ଷ୍ମୀ ନାରାୟଣ ମିଶ୍ର, ତ୍ରିଲୋଚନ ରାମ, ଶିବାନନ୍ଦ ମହାରଣା, ଜ୍ୟୋତି ରଞ୍ଜନ ତ୍ରିପାଠୀ, ପଙ୍କଜ ଜଟି, ଅନୀଲ ନାୟକ, ଜ୍ୟୋତି ରଞ୍ଜନ ରାୟ, ତୁଷାର କାନ୍ତି, ପ୍ରଭାତ ତ୍ରିପାଠୀ ପ୍ରମୁଖ ଉପସ୍ଥିତ ରହି କ୍ରିକେଟ ଟୁର୍ଣ୍ଣାମେଣ୍ଟକୁ ସୁପରିଚାଳନା ନିମନ୍ତେ ସହଯୋଗ ପ୍ରଦାନ କରିଥିଲେ।

By admin

Leave a Reply

Your email address will not be published. Required fields are marked *