ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ
ବିଜେଡିରେ ମିଶିଲେ କଟକର ବିଶିଷ୍ଟ ସଂଗଠକ ଡାକ୍ତର ଦେବାନନ୍ଦ ମହାପାତ୍ର
#ଭୁବନେଶ୍ୱର(ଏନ୍.ଏମ୍.): ଅପରାହ୍ଣ ୧୨.୩୦ରେ ଶଙ୍ଖ ଭବନ ଠାରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ପୂର୍ବତନ ଡାକ୍ତର ଦେବାନନ୍ଦ ମହାପାତ୍ର ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । ସେ ଏସସିବି ଗ୍ୟାଷ୍ଟ୍ରୋଏଣ୍ଟରୋଲୋଜି ବିଭାଗରେ ଡାକ୍ତର ଭାବେ କାର୍ଯ୍ୟ କରିଥିଲେ । ଗତ ପୌର ନିର୍ବାଚନରେ କଟକ ମେୟର ପଦ ପାଇଁ ସେ ସ୍ୱାଧୀନ ପ୍ରାର୍ଥୀ ଭାବେ ଛିଡା ହୋଇଥିଲେ । ରାଜ୍ୟ ତଥା ଦେଶ ଓ ବିଦେଶର ପ୍ରାୟ ୧୦ରୁ ଅଧିକ ସାମାଜିକ ଅନୁଷ୍ଠାନ ସହ ସେ ଜଡ଼ିତ । ବିଜେଡିର ମୁଖପାତ୍ର ଡ.ସସ୍ମିତ ପାତ୍ର ତାଙ୍କୁ ବିଧିବଦ୍ଧ ଭାବେ ବିଜେଡିରେ ସ୍ୱାଗତ କରିଥିଲେ । ଏହି ଅବସରରେ ଡାକ୍ତର ମହାପାତ୍ର କହିଥିଲେ ଯେ, ଗତ ୨୪ବର୍ଷ ହେବ ସେ ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଆଜି ବିଜେଡି ଦଳରେ ଯୋଗ ଦେଇଛନ୍ତି ।