ବାରମ୍ବାର ଗାଈ-ଗୋରୁ ଚୋରି ପ୍ରତିବାଦରେ ଡିସିପିଙ୍କୁ ସ୍ମାରକପତ୍ର
#ଜଗତପୁର(ଏନ୍.ଏମ୍.): ଜଗତପୁର ଅଞ୍ଚଳରେ ବାରମ୍ବାର ଗାଈ-ଗୋରୁ ଚୋରି ହେବା ନେଇ ଅଞ୍ଚଳରେ ଅସନ୍ତୋଷ ତେଜିବାରେ ଲାଗିଛି । ତେବେ ଏହି ଅଞ୍ଚଳରେ ପୁଲିସର ନିଷ୍କ୍ରିୟତା ଯୋଗୁଁ ଏଭଳି ଘଟଣା ବାରମ୍ବାର ଘଟୁଛି ବୋଲି ଅଭିଯୋଗ ହୋଇଛି । ଗୋରୁ ମାଫିଆମାନେ ଗୋରୁ ରହୁଥିବା ବିଭିନ୍ନ ଜାଗାକୁ ପୂର୍ବରୁ ଟାର୍ଗେଟ କରି ରାତ୍ରୀରେ ଚୋରି କରୁଛନ୍ତି । ଏହି ପରିପ୍ରେକ୍ଷୀରେ “କଟକ-ଚୌଦ୍ୱାର ବିକାଶ ପରିଷଦ’ ପକ୍ଷରୁ ସଭାପତି ମାନସ ପରିଡାଙ୍କ ନେତୃତ୍ୱରେ କର୍ମକର୍ତ୍ତାମାନେ ଜଗତପୁର ଥାନାକୁ ଯାଇ ଇନିସ୍ପେକ୍ଟର ରବୀନ୍ଦ୍ରନାଥ ମେହେରଙ୍କ ସହିତ ଆଲୋଚନା କରିବା ସହ ଡିସିପିଙ୍କ ଉଦ୍ଦେଶ୍ୟରେ ଏକ ସ୍ମାରକପ୍ରତ ପ୍ରଦାନ କରିଥିଲେ । ରାତ୍ର ପୁଲିସ ପେଟ୍ରୋଲିଂକୁ କଡାକଡି କରି ଗାଈ-ଗୋରୁ ଚୋରିକୁ ରୋକିବା ସହିତ ଏହି ରାକେଟରେ ସମ୍ପୃକ୍ତ ବ୍ୟକ୍ତିଙ୍କ ବିରୁଦ୍ଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ । ଏହି ଦାବିପତ୍ର ପ୍ରଦାନ ସମୟରେ ଅଲେଖ ଚନ୍ଦ୍ର ବେହେରା, ତୀର୍ଥାନନ୍ଦ ପଣ୍ଡା, ଜିତେନ୍ଦ୍ର ଶତପଥୀ, ଜୟ ନାରାୟଣ ତ୍ରିପାଠୀ, କିଶୋର ନାୟକ, ଦୁର୍ଯ୍ୟୋଧନ ପ୍ରଧାନ, ମାନସ ନାୟକ, ଓମପ୍ରକାଶ ପଣ୍ଡା, ରଶ୍ମୀକାନ୍ତ ସାମଲ, ଶିବଚରଣ ପ୍ରଧାନ, ବିରଞ୍ଚି ସାମଲ, ଦିଲ୍ଲୀପ ଚୌଧୁରୀ, ଚିରଞ୍ଜୟ ବେହେରା, ସୌମ୍ୟରଞ୍ଜନ ପଣ୍ଡା, ଲଳିତ ଭୂୟାଁ, ସୁବାସ ସୁବୁଦ୍ଧିରାୟ, ନଗେନ୍ଦ୍ର ମହାପାତ୍ର, ଚିତ୍ତରଞ୍ଜନ ମହାନ୍ତି, ଶ୍ରଦ୍ଧେନ୍ଦୁ ଶତପଥୀ ଓ ଶ୍ରମିକ ନେତା ଲକ୍ଷ୍ମୀଧର ଶରଣ ପ୍ରମୁଖ ଯୋଗଦେଇ ଆଇନ ଶୃଙ୍ଖଳା ସମ୍ପର୍କରେ ବିଭିନ୍ନ ମତାମତ ଦେଇଥିଲେ ।