ବଢିଲା ପାରିଶ୍ରମିକ, ଜଣାଇଲେ ଶୁଭେଚ୍ଛା
ଭୁବନେଶ୍ୱର(ଏନ୍.ଏମ୍.): ରାଜ୍ୟସରକାରଙ୍କ ନିଷ୍ପତିକୁ ସ୍ୱାଗତ କରିଛନ୍ତି ରାଜ୍ୟର ପାଚକ ପାଚିକା। ପାରିଶ୍ରମିକ ବୃଦ୍ଧିକୁ ଗ୍ରହଣ କରିବା ସହ ସେମାନେ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଜଣାଇଛନ୍ତି ଶୁଭେଚ୍ଛା। ୨ ଦିନ ତଳେ ମୁଖ୍ୟମନ୍ତ୍ରୀ ପାଚକ ପାଚିକାଙ୍କର ପାରିଶ୍ରମିକ ବୃଦ୍ଧି କରିଥିଲେ। ପୂର୍ବରୁ ପାଚକପାଚିକା ମାନେ ଦରମା ବୃଦ୍ଧି ନେଇ ଗତ ଡିସେମ୍ବର ମାସରେ ରାଜରାସ୍ତାକୁ ଓହ୍ଲାଇଥିଲେ। ଏବଂ ଆଠ ଦଫା ଦାବିରେ ଧାରଣା ଦେଇଥିଲେ। ପୂର୍ବରୁ ପାଚକପାଚିକା ମାନେ ୧୪ ଶହ ଟଙ୍କା ପାଉଥିଲେ। କିନ୍ତୁ ନିର୍ବାଚନ ପୂର୍ବରୁ ବିଜେଡି ସରକାର ସେମାନଙ୍କର ଦରମା ବୃଦ୍ଧି କରି ୨ହଜାର କରିଥିଲେ। ମାତ୍ର ସେତେବେଳେ ସରକାର ୨ହଜାର ବଦଳରେ ୧୪ ଶହ ଟଙ୍କା ଦେଇ ବାକିତକ କାଟି ରଖିୁଥିଲେ। ହେଲେ ମୁଖ୍ୟମନ୍ତ୍ରୀ ମୋହନ ମାଝୀ ସେହି ଦରମାକୁ ବୃଦ୍ଧି କରିଛନ୍ତି । ଏଣିକି ପାଚକପାଚିକାମାନେ ମାସିକ ୩ ହଜାର ଟଙ୍କା ଲେଖାଏ ପାଇ ପାରିବେ। ପିଏମ ପୋଷଣ ସ୍କିମ ଅନୁସାରେ ସେମାନଙ୍କର ଦରମା ବୃଦ୍ଧି କରାଯାଇଛି। ଯାହାକି ସ୍ୱାଗତଯୋଗ୍ୟ ପଦକ୍ଷେପ ବୋଲି ପାଚକପାଚିକାମାନେ କହିଛନ୍ତି। ଦରମା ବୃଦ୍ଧି ଫଳରେ ଆମେ ଆମ ପରିବାର ଭଳରେ ପ୍ରତିପୋଷଣ କରିପାରିବୁ ବୋଲି ସେମାନେ କହିଛନ୍ତି। ପରପକ୍ଷରେ ସରକାରଙ୍କ ଏଭଳି ନିଷ୍ପତିକୁ ସ୍ୱାଗତ କରିବା ସହ ମୁଖ୍ୟମନ୍ତ୍ରୀଙ୍କୁ ଭେଟି ସେମାନେ ଫଟୋ ଉଠାଇଛନ୍ତି।