ପାଟଣାଗଡ କଂଗ୍ରେସରୁ ଟିକିଟ ପାଇଁ ନିର୍ବାଚନ ଲଢିବେ ଅନିଲ ମେହେର
#ପାଟଣାଗଡ଼(ଏନ୍.ଏମ୍.): ଆଜି ବିଜେପି ପ୍ରାର୍ଥୀ ତାଲିକା ଘୋଷଣା କରିବା ପରେ କଂଗ୍ରେସ ମଧ୍ୟ ତାର ପ୍ରାର୍ଥୀ ତାଲିକା ଘୋଷଣା କରିଛି । ପାଟଣାଗଡ଼ ନିର୍ବାଚନ ମଣ୍ଡଳୀ କଂଗ୍ରେସ ପ୍ରାର୍ଥୀଭାବେ ଅନିଲ ମେହେରଙ୍କୁ ଟିକିଟ ମିଳିଛି । ଶ୍ରୀ ମେହେର ଟିକେଟ ପାଇବା ପରେ ତାଙ୍କ ପ୍ରକ୍ରିୟାରେ କହିଥିଲେ ଯେ, ପ୍ରଥମେ ଦଳର ସୁପ୍ରିମୋ ରାହୁଲ ଗାନ୍ଧୀ, ପିସିସି ରାଜ୍ୟ ସଭାପତି ଶରତ ପଟ୍ଟନାୟକଙ୍କ ସମେତ ଦଳର ସମସ୍ତ ନେତା କର୍ମୀମାନଙ୍କୁ ଧନ୍ୟବାଦ ଦେଇଛନ୍ତି । ଏହି ଅବସରରେ ଭୋଟରମାନଙ୍କ ପାଖକୁ ଯାଇ ୩୦ ବର୍ଷର ରାଜ୍ୟ ଓ କେନ୍ଦ୍ର ସରକାରଙ୍କ ଅପାରଗତା ଯୋଗୁଁ ବହୁ ଲୋକ ଅବହେଳିତ ଅବସ୍ଥାରେ ବର୍ତ୍ତମାନ ସୁଦ୍ଧା ପଡ଼ି ରହିଛନ୍ତି; ଏଥିରୁ ମୁକୁଳିବାକୁ ହେଲେ ରାଜ୍ୟ ଓ ଦେଶର ସରକାରକୁ ବଦଳାଇବାକୁ ପଡ଼ିବ ବୋଲି କହିଥିଲେ । ଏ ନିର୍ବାଚନ ଲୋକମାନଙ୍କର ତେଣୁ ବିଗତ ଦିନରେ ଲୋକଙ୍କୁ ଶୋଷଣ କରୁଥିବା ସରକାରକୁ ଏଥର ପ୍ରତ୍ୟାଖ୍ୟାନ କରିବାକୁ ସମୟ ଆସିଛି । ଏହି ବାର୍ତ୍ତା ନେଇ ଲୋକମାନଙ୍କ ପାଖରେ ପହଞ୍ଚିବୁ ବୋଲି ଶ୍ରୀ ମେହେର କହିଛନ୍ତି ।