ନ୍ୟୁ ଷ୍ଟିୱାର୍ଟ ସ୍କୁଲର ବାର୍ଷିକକ୍ରୀଡା
କଟକ(ଏନ୍.ଏମ୍.): ମିଶନ ରୋଡସ୍ଥିତ ନ୍ୟୁ ଷ୍ଟିୱାର୍ଟ ସ୍କୁଲର ୩୨ ତମ ବାର୍ଷିକ କ୍ରୀଡା ଉତ୍ସବ ପାଳିତ ହୋଇଯାଇଛି । ବିଦ୍ୟାଳୟର ଅଧ୍ୟକ୍ଷ ରେଭେରେଣ୍ଡ ଡ଼ିକନ ମୋଜେଶ ମହାନ୍ତିଙ୍କ ପୌରହିତ୍ୟରେ ପୁରସ୍କାର ବିତରଣୀ ସଭା କରାଯାଇଥିଲା। କାର୍ଯ୍ୟକ୍ରମରେ ମୁଖ୍ୟଅତିଥି ଛାତ୍ରଛାତ୍ରୀଙ୍କ ଦ୍ୱାରା ଆୟୋଜିତ ପରେଡର ଅଭିବାଦନ ଗ୍ରହଣ କରିଥିଲେ। ଜିଲ୍ଲା ଶାରୀରିକ ଶିକ୍ଷାଧିକାରୀ ସୌଦାମିନୀ ଦାସ ମୁଖ୍ୟଅତିଥି ଥିବାବେଳେ ସମ୍ମାନୀୟ ଅତିଥି ଭାବେ ଜାତୀୟ ବାସ୍କେଟ ବଲ ଖେଳାଳି ଜେକ୍ସସ ଇରାନୀ ଯୋଗଦେଇଥିଲେ। କ୍ରୀଡା ଛାତ୍ରଛାତ୍ରୀଙ୍କ ମଧ୍ୟରେ ଭାଇଚାରା ଓ ଜାତୀୟତାବାଦ ସୃଷ୍ଟି କରେ ବୋଲି ଅତିଥିମାନେ କହିଥିଲେ। ରେଭେରେଣ୍ଡ ପଙ୍କଜ କୁମାର ସାହାଣୀ ପ୍ରାରମ୍ଭିକ ସୂଚନା ଓ ଅଧ୍ୟକ୍ଷ ଡିକନ ମୋଜେଶ ମହାନ୍ତି ଅତିଥି ପରିଚୟ ଦେଇଥିଲେ। ବିଦ୍ୟାଳୟର ସମ୍ପାଦକ ବିକ୍ରମ ଏନଏଡମସ ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରିଥିଲେ। ସେହିପରି ଜାତୀୟସ୍ତରରେ କୃତିତ୍ୱ ଅର୍ଜନ କରିଥିବା ପିଲାଙ୍କୁ ମୁଖ୍ୟଅତିଥି ପୁରସ୍କୃତ କରିଥିଲେ। ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଓ ଯୋଗାସନ କରାଯାଇଥିଲା। ଛାତ୍ର ଡାନିଏଲ ସାହାଣୀ ଓ ଛାତ୍ରୀ ଆରିବା ହୁସେନ ଚାମ୍ପିୟନ ଓ ବିଶପ ହାଉସ ଦଳଗତ ଚାମ୍ପିୟନ ହୋଇଥିଲା। କାର୍ଯ୍ୟକ୍ରମକୁ ସଂଯୋଜିକା ସୁମିତ୍ରା ପଣ୍ଡା, ଆକ୍ଟିଭିଟି ସଂଯୋଜକ ଆଲୋକ ପ୍ରକାଶ ସାହୁ, ଶିକ୍ଷୟତ୍ରୀ ଆଭା ବିଶ୍ୱାଳ, ସୁଲତା ବେହେରା, କ୍ରୀଡା ଶିକ୍ଷକ ଅମୁଲ୍ୟ କୁମାର ବେହେରା, ପ୍ରେମାଶିଷ ଜେନା, ଜ୍ଞାନରଞ୍ଜନ ଓଝା ଓ ମର୍ସି ରାଉତ ପ୍ରମୁଖ ପରିଚାଳନା କରିଥିଲେ। କାର୍ଯ୍ୟକ୍ରମ ପରିଚାଳନାରେ ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ କର୍ମଚାରୀ ସହଯୋଗ କରିଥିଲେ। ରୋଜାଲିନ ନାୟକ ଉପସ୍ଥାପନା କରିଥିବା ବେଳେ ଶିକ୍ଷୟତ୍ରୀ ଆଭା ବିଶ୍ୱାଳ ଧନ୍ୟବାଦ ଦେଇଥିଲେ।