ନେତାଜୀ ଜୟନ୍ତୀ ଅବସରରେ ଓଡ଼ିଶା ଲଳିତକଳା ଏକାଡେମୀ ତରଫରୁ ଚିତ୍ରଶିଳ୍ପୀ ଶିବିର ଆୟୋଜନ
ଭୁବନେଶ୍ୱର/କଟକ(ଏନ୍.ଏମ୍.): ନେତାଜୀ ଜୟନ୍ତୀ ଅବସରରେ ଓଡ଼ିଶା ଲଳିତକଳା ଏକାଡେମୀ (ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ) ତରଫରୁ ରାଜ୍ୟସ୍ତରୀୟ ଚିତ୍ରଶିଳ୍ପୀ ଶିବିର କଟକସ୍ଥିତ ନେତାଜୀଙ୍କ ଜନ୍ମସ୍ଥାନ ପରିସରରେ ଉଦ୍ଘାଟିତ ହୋଇଯାଇଛି। ଉଦ୍ଘାଟନ ଉତ୍ସବରେ ବରିଷ୍ଠ ଚିତ୍ରଶିଳ୍ପୀ ମହେନ୍ଦ୍ର ପ୍ରସାଦ ମହାପାତ୍ର, ଏକାଡେମୀର ପ୍ରାକ୍ତନ ସଚିବ ରବିନାରାୟଣ ରଥ, ବରିଷ୍ଠ ଚିତ୍ରଶିଳ୍ପୀ ଗୌରାଙ୍ଗ ବାରିକ ଏବଂ କଟକ ଜିଲ୍ଲା ସଂସ୍କୃତି ଅଧିକାରୀ ନଳିନୀକାନ୍ତ ସାହୁ ସମ୍ମାନିତ ଅତିଥିଭାବେ ଯୋଗ ଦେଇଥିଲେ। ସଂସ୍କୃତି ବିଭାଗ ଉପ-ନିର୍ଦ୍ଦେଶକ ଦେବାନନ୍ଦ ବରିହା ତଥା ସଚିବ ଓଡ଼ିଶା ଲଳିତକଳା ଏକାଡେମୀ ପ୍ରାରମ୍ଭରେ ଶିବିର ଆୟୋଜନ ସମ୍ପର୍କରେ ସମ୍ୟକ ସୂଚନା ପ୍ରଦାନ କରିଥିଲେ। ଏହି ଶିବିରରେ ରାଜ୍ୟର ଖ୍ୟାତନାମା ୨୦ଜଣ ଚିତ୍ରଶିଳ୍ପୀ ଅଂଶଗ୍ରହଣ କରିଛନ୍ତି। ସେମାନେ ନେତାଜୀ ସୁବାସ ଚନ୍ଦ୍ର ବୋଷଙ୍କର ସଂଗ୍ରାମମୟ ଜୀବନ ଆଦର୍ଶ ଉପରେ ଦୁଇଦିନ (ତା୨୧ ଓ ୨୨ରିଖ) ଚିତ୍ର ଅଙ୍କନ କରିବେ। ନେତାଜୀଙ୍କର ଜନ୍ମଦିବସ (ତା ୨୩.୧.୨୦୨୫ରିଖ) ରେ ଶିଳ୍ପୀମାନଙ୍କ ଦ୍ୱାରା ଅଙ୍କିତ ଚିତ୍ରର ଏକ ଚିତ୍ରକଳା ପ୍ରଦର୍ଶନୀ ଅନୁଷ୍ଠିତ ହେବ। ଅଂଶଗ୍ରହଣ କରିଥିବା ଚିତ୍ରଶିଳ୍ପୀମାନେ ହେଲେ- ଶଶିକାନ୍ତ ରାଉତ, ବିଜୟ କୁମାର ସାହୁ, ଜୟନ୍ତ କୁମାର ନାୟକ, ରାଜେଶ କୁମାର ନାୟକ, ରଘୁନାଥ ସାହୁ, ସୁରଥ ଚୌଧୁରୀ, ସୀମାଞ୍ଚଳ ମଲ୍ଲିକ, ସୁଶାନ୍ତ ସିଂ ସାମନ୍ତ, କାଞ୍ôଚ ପ୍ରସାଦ ମଲ୍ଲିକ, ଶ୍ରବଣ କୁମାର ସାମଲ, ଜିତେନ୍ଦ୍ର କୁମାର ଭଞ୍ଜ, ମୃତ୍ୟୁଞ୍ଜୟ ବାରିକ, ଶ୍ରୀହର୍ଷ ଶୁକ୍ଳା, ବିଶ୍ୱଜିତ ଗିରି, ଜ୍ଞାନରଂଜନ ଜେନା, ପ୍ରଦୀପ କୁମାର ମିଶ୍ର, ସଂଯୁକ୍ତାରାଣୀ ଦାସ, ସୋମନାଥ ଦାସ, ସ୍ଥିତପ୍ରଜ୍ଞା ବେହେରା ଓ ଶୁଭଶ୍ରୀ କାନୁନ୍ଗୋ। ଲଳିତକଳା ଏକାଡ଼େମୀ ତରଫରୁ ପ୍ରସନ୍ନ କୁମାର ମିଶ୍ର ଧନ୍ୟବାଦ ଦେଇଥିଲେ।