ନିମପୁର ସାଇ ବାବାଙ୍କ କଳସ ଶୋଭା ଯାତ୍ରା

ଜଗତପୁର(ଏନ୍‌.ଏମ୍‌.): ଶ୍ରୀସାଇ ନାଥ ସେବା ଟ୍ରଷ୍ଟ ପକ୍ଷରୁ ସାଇ ବାବାଙ୍କ ତ୍ରୟୋଦଶ ବାର୍ଷିକ ଉତ୍ସବ ଉପଲକ୍ଷେ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ପବିତ୍ର ମାଘ ସପ୍ତମୀ ଅବସରରେ ମହାନଦୀ ବଟେଶ୍ୱର ଘାଟରୁ ଜଳ ପୂର୍ଣ୍ଣ କଳସୀ ଧରି ବହୁ ଶ୍ରଦ୍ଧାଳୁ ଶୋଭାଯାତ୍ରାରେ ଯଜ୍ଞସ୍ଥଳକୁ ଆସିଥିଲେ । ବିଭିନ୍ନ ଘଣ୍ଟ ବାଦ୍ୟ ଓ ଡିଜେ ସାଉଣ୍ଡର ତାଳେ ତାଳେ ଶ୍ରଦ୍ଧାଳୁମାନେ ସ୍ଥାନୀୟ ଶିକାରୀପୁର, କୃଷ୍ଣେଶ୍ୱର ମନ୍ଦିର, ଗୟାନା ଛକ, ନଜରପୁର, ଭୂବନପୁର ଓ ଫକିରପୁର ପଣ୍ଡା ସାହି ପରିକ୍ରମା କରି ବାବାଙ୍କ ମନ୍ଦିରରେ ପହଞ୍ଚିଥିଲେ । ଶତାଧିକ ମହିଳା ଓ ପୁରୁଷ ନୂଆବସ୍ତ୍ର ପରିଧାନ କରି ଏହି ଶୋଭାଯାତ୍ରାରେ ସାମିଲ ହୋଇଥିଲେ । ଏହାପରେ ଯଜ୍ଞାଦି କର୍ମରେ କର୍ତ୍ତା ଓ କର୍ତ୍ତି ଭାବେ ନିଳମଣି ପଣ୍ଡା ଓ ପୁଷ୍ପା ପଣ୍ଡା ଏବଂ ପୂଜକ ସଞ୍ଜୟ ଦାଶ ଓ ପୂଜକ ମାନେ ଯଜ୍ଞ ନୀତି ଆରମ୍ଭ କରିଥିଲେ । ଏହି ଅବସରରେ ନାମଯଜ୍ଞ, ଘୃତ ଯଜ୍ଞ ଓ ଅନ୍ନ ଯଜ୍ଞ ଆଦି କାର୍ଯ୍ୟକ୍ରମ ଚାଲିଛି । ଆସନ୍ତା କାଲି ବାବାଙ୍କ ଚଭାଡି ଯାତ୍ରାରେ ବିଭିନ୍ନ ସାହି ପରିକ୍ରମା କରାଯିବ । ଆସନ୍ତା୧୮ ତାରିଖ ରବିବାର ଦିନ ପୂର୍ଣ୍ଣାହୁତି, ଭଜନ ସମାରୋହ ଓ ପ୍ରସାଦ ସେବନର ବ୍ୟବସ୍ଥା କରାଯାଇଥିବା ଟଷ୍ଟ ପକ୍ଷରୁ ସୂଚନା ଦିଆଯାଇଛି ।