ନିଖୋଜ ଯୁବକର ଝୁଲନ୍ତା ମୃତ ଦେହ ଉଦ୍ଧାର
#ପାଟଣାଗଡ଼(ଏନ୍.ଏମ୍.): ପାଟଣାଗଡ଼ ଥାନା ତୁର୍ଲାମାଲ ସ୍ଥିତ ଏକ ପତ୍ରାଜଙ୍ଗଲ ଠାରେ ଜଣେ ନିଖୋଜ ଥିବା ଯୁବକର ଝୁଲନ୍ତା ମୃତ ଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ହେଲେ ବେଲପଡା ଥାନା କପାଣି ଗାଁ ର ଛନ୍ଦା ଚରଣ ଧରୁଆ ବୋଲି ଜଣାପଡ଼ିଛି । ସେ ଗତ ଚାରି ଦିନ ତଳେ କେଉଁ ଆଡେ ଚାଲିଯାଇଥିଲେ । ପରିବାର ଲୋକେ ସବୁଆଡେ ଖୋଜାଖୋଜି କରି ମଧ୍ୟ ତାଙ୍କର ସନ୍ଧାନ ପାଇନଥିଲେ । ସାନ ଭାଇ ଛନ୍ଦା ଚରଣ ନିଖୋଜ ଥିବା ନେଇ ତାଙ୍କ ବଡ଼ ଭାଇ ପିତାମ୍ବର ଧରୁଆ ନିଜ ଫେସବୁକ ରେ ମଧ୍ୟ ପୋଷ୍ଟ କରିଥିଲେ । ଆଜି ପାଟଣାଗଡ ଥାନା ଅନ୍ତର୍ଗତ ତୁର୍ଲାମାଲ ସ୍ଥିତ ଏକ ପତ୍ରାଜଙ୍ଗଲ ରେ ଏକ ଗଛରେ ବେକରେ ରଶି ଦେଇ ଝୁଲୁଥିବା ଦେଖିବାକୁ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ପରେ ପାଟଣାଗଡ଼ ପୁଲିସ କୁ ଖବର ଦେଇଥିଲେ । ଖବର ପାଇ ପୁଲିସ ଘଟଣାକୁ ପହଞ୍ଚି ଶବ ଉଦ୍ଧାର କରିଥିଲା । ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥାଥିବା ଜଣାପଡିଛି । ଏନେଇ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାପଡିଛି । ହତ୍ୟା ନା ଆତ୍ମା ହତ୍ୟା କାରଣ ଅସ୍ପଷ୍ଟ ହୋଇଛି ।