ଟାଙ୍ଗୀ-ଚୌଦ୍ୱାର ବୈଦିକ ବ୍ରାହ୍ମଣ ସମିତିର ବାର୍ଷିକ ଉତ୍ସବରେ ଯୋଗ ଦେଲେ କୃଷି ମନ୍ତ୍ରୀ
#ଚୌଦ୍ୱାର(ଏନ୍.ଏମ୍.): ଚୌଦ୍ୱାର ସ୍ଥିତ ଗାନ୍ଧୀ ଛକ ଟାଉନ ହଲ ପରିସରରେ ଆଜି ଟାଙ୍ଗୀ-ଚୌଦ୍ୱାର ବୈଦିକ ବ୍ରାହ୍ମଣ ସମିତିର ବାର୍ଷିକ ଉତ୍ସବ ମହାସମାହୋରହରେ ପାଳିତ ହୋଇଯାଇଛି । ମୁଖ୍ୟଅତିଥି ଭାବେ କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଯୋଗ ଦେଇ ବ୍ରାହ୍ମଣମାନଙ୍କ ଏକତା ସମାଜରେ ସଂସ୍କାର ଆଣିବ ବୋଲି ମତବ୍ୟକ୍ତ କରିଥିଲେ । କାର୍ଯ୍ୟକ୍ରମରେସମ୍ମାନିତ ଅତିଥି ଭାବେ ଚୌଦ୍ୱାର କଟକ ବିଧାୟକ ସୌଭିକ ବିଶ୍ୱାଳ ଯୋଗଦେଇ ପ୍ରଦୀପ ପ୍ରଜ୍ୱଳନ କରି ସମୂହ ବ୍ରାହ୍ମଣ ମାନଙ୍କ ଦ୍ୱାରା ବେଦ ପାଠ କରାଯାଇ ସଭାକାର୍ଯ୍ୟ ଆରମ୍ଭ ହୋଇଥିଲା । ବୈଦିକ କର୍ମକାଣ୍ଡ, ଶିକ୍ଷାବିତ୍, ସଂସ୍କୃତି, ପାଲା, ସମାଜସେବୀ, ଯୁବ ଉଦ୍ୟୋଗୀ ପ୍ରଭୃତିମାନଙ୍କୁ ନିଜର ପ୍ରତିଭା ପାଇଁ ସେମାନଙ୍କୁ ସମିତି ପକ୍ଷରୁ ସମ୍ମାନିତ କରାଯାଇଥିଲା । ୨୦୦ରୁ ଉର୍ଦ୍ଧ ବ୍ରାହ୍ମଣ ମାନଙ୍କୁ ସେମାନଙ୍କ ନିଜର ନୂତନ ପରିଚୟ ପତ୍ର ପ୍ରଦାନ କରାଯାଇଥିଲା । ତେବେ ୧୯୯୧ ମସିହାରେ ଗଢି ଉଠିଥିବା ଏହି ସମିତିର କର୍ମକର୍ତ୍ତାଙ୍କ ଦେହାନ୍ତ ହେବା ଫଳରେ ସମିତିର ପୁନରୁଦ୍ଧାର କରାଯାଇ ଆଜି ତାହାର ବାର୍ଷିକ ଉତ୍ସବ ପାଳନ କରାଯାଇଛି । ସମିତିରେ ନୂତନ ବ୍ରାହ୍ମଣମାନଙ୍କ ଯୋଗଦାନ ଫଳରେ ସମିତି ତା’ର ବିଭିନ୍ନ ପ୍ରକାରର ଜନ ହିତକାରୀ କାର୍ଯ୍ୟକ୍ରମ କରି ଅଞ୍ଚଳରେ ଭୂୟଶି ପ୍ରଶଂସା ସାଉଁଟି ଥିବାର ଦେଖିବାକୁ ମିଳିଥିଲା । ବ୍ରାହ୍ମଣ ପିଲାମାନଙ୍କ ନିମନ୍ତେ ସମୂହ ନିଶୁଳ୍କ ବ୍ରତୋପନୟନ, ବସ୍ତ୍ର ଦାନ, ବୈଦିକ କର୍ମକାଣ୍ଡ ଶିକ୍ଷା ଓ ବିଭିନ୍ନ ଜନ ହିତକାରୀ ପଦକ୍ଷେପ ନେଇ ଅନୁଷ୍ଠାନ ଧୀରେ ଧୀରେ ଆଗକୁ ବଢ଼ି ଚାଲି ଏହାର କର୍ମକର୍ତ୍ତାଙ୍କ ଏବେ ସଂଖ୍ୟା ୨୫୦ ପହଞ୍ଚିଛି । ଏହି ଅବସରରେ ଟାଙ୍ଗୀ-ଚୌଦ୍ୱାର ବୈଦିକ ବ୍ରାହ୍ମଣ ସମିତିର ଏକ ସ୍ଥାୟୀ ଭୂମି ସହ ଗୃହ ଆବଶ୍ୟକ ଦର୍ଶାଇ ସମିତି ପକ୍ଷରୁ ମନ୍ତ୍ରୀ ଓ ବିଧାୟକଙ୍କୁ ସ୍ମାରକପତ୍ର ପ୍ରଦାନ କରାଯାଇଥିଲା । ତେବେ ଏ ନେଇ ତୁରନ୍ତ କାର୍ଯ୍ୟପନ୍ଥା ଗ୍ରହଣ କରାଯିବ ବୋଲି ମନ୍ତ୍ରୀ ପ୍ରତିଶ୍ରୁତି ମଧ୍ୟ ଦେଇଥିଲେ । ସମିତି ସଭାପତି ବିଭୁଦେନ୍ଦୁ ଷଡ଼ଙ୍ଗୀ, କାର୍ଯ୍ୟକାରୀ ସଭାପତି ନିରଞ୍ଜନ ହୋତା, ଉପସଭାପତି ବ୍ରଜବନ୍ଧୁ କର, ସହ-ସମ୍ପାଦକ ପବିତ୍ରମୋହନ ଷଢ଼ଙ୍ଗୀ, କୋଷାଧ୍ୟକ୍ଷ ସୁଶିଲ କୁମାର ଶତପଥୀଙ୍କ ସମେତ ୫ ଗୋଟି ଜୋନର ସମସ୍ତ କର୍ମକର୍ତ୍ତା ଯୋଗ ଦେଇଥିଲେ । ସମ୍ପାଦକ ଦିଲୀପ କୁମାର ତ୍ରିପାଠୀ ମଞ୍ଚ ପରିଚାଳନା ସହ ଧନ୍ୟବାଦ ଦେଇଥିଲେ ।