ଜିଲ୍ଲା ନିବନ୍ଧକ କାର୍ଯ୍ୟାଳୟରୁ ୮୩ କୋଟି ୯୬ ଲକ୍ଷ ଟଙ୍କାର ରାଜସ୍ୱ ଆଦାୟ

#କଟକ(ଏନ୍‌.ଏମ୍‌.): ଚଳିତ ଆର୍ôଥକ ବର୍ଷ ୨୦୨୪-୨୫ ର ଅଗଷ୍ଟ ମାସ ଶେଷ ସୁଦ୍ଧା ଜିଲ୍ଲା ନିବନ୍ଧକ ଙ୍କ କାର୍ଯ୍ୟାଳୟରୁ ଜମି କିଣା ବିକା, ଷ୍ଟାମ୍ପ ଡିୟୁଟି ଓ ଅନ୍ୟାନ୍ୟ ପଞ୍ଜୀକରଣ ବାବଦରେ ୮୩ କୋଟି ୯୬ ଲକ୍ଷ ଟଙ୍କାର ରାଜସ୍ୱ ଆଦାୟ କରାଯାଇଛି । ରାଜ୍ୟ ସରକାର ଏହି ଜିଲ୍ଲାରୁ ଚଳିତ ଆର୍ôଥକ ବର୍ଷ ଶେଷ ସୁଦ୍ଧା ୧୪୦ କୋଟି ଟଙ୍କାର ରାଜସ୍ୱ ଆଦାୟ କରିବା ପାଇଁ ଲକ୍ଷ ଧାର୍ଯ୍ୟ କରିଥିବା ବେଳେ ୫ ମାସ ମଧ୍ୟରେ ଆଦାୟ ପରିମାଣ ୫୯ ପ୍ରତିଶତ କୁ ଛୁଇଁଛି ବୋଲି ଜିଲ୍ଲା ଉପ ନିବନ୍ଧକ ଗୋପବନ୍ଧୁ ପରିଡ଼ା ଜିଲ୍ଲାପାଳଙ୍କୁ ଦେଇଥିବା ରିପୋର୍ଟ ରେ ଦର୍ଶାଇଛନ୍ତି । ସୂଚନାଯୋଗ୍ୟ ଯେ, ଗତ ୨୦୨୩-୨୪ ଆର୍ôଥକ ବର୍ଷରେ ରାଜ୍ୟ ସରକାର ଏହି ଜିଲ୍ଲାରୁ ୧୨୫ କୋଟି ଟଙ୍କାର ରାଜସ୍ୱ ଆଦାୟକରିବା ପାଇଁ ଲକ୍ଷ ଧାର୍ଯ୍ୟ କରିଥିବାବେଳେ ଆଦାୟ ପରିମାଣ ୧୭୩ କୋଟି ଟଙ୍କାରେ ପହଁଚି ସଫଳତା ହାର ୧୪୦ ପ୍ରତିଶତକୁ ବୃଦ୍ଧି ପାଇଥିଲା।