ଚୌଦ୍ୱାର-କଟକ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା

#କଟକ(ଏନ୍‌.ଏମ୍‌.): ଓଡ଼ିଶାର ଲୋକପ୍ରୀୟ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ପ୍ରତିବର୍ଷ ପରି ଚଳିତ ବର୍ଷ ଚୌଦ୍ୱାର-କଟକ ବିଜୁ ଜନତା ଦଳ ପକ୍ଷରୁ ଜନସମ୍ପର୍କ ପଦଯାତ୍ରା-୨୦୨୪ ଆରମ୍ଭ ହୋଇଛି। ଚୌଦ୍ୱାର-କଟକର ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳଙ୍କ ନେତୃତ୍ୱରେ ପ୍ରଥମ ପର୍ଯ୍ୟାୟ ଅକ୍ଟୋବର ୨ ତାରିଖ ପବିତ୍ର ଗାନ୍ଧୀଜୟନ୍ତୀ ଠାରୁ ଆରମ୍ଭ ହୋଇ ଅକ୍ଟୋବର ୦୬ ତାରିଖ ପର୍ଯ୍ୟନ୍ତ ପାଳନ କରାଯିବ ଓ ଦ୍ୱିତୀୟ ପର୍ଯ୍ୟାୟରେ ଅକ୍ଟୋବର ୨୧ ତାରିଖ ଠାରୁ ଅକ୍ଟୋବର ୩୦ ତାରିଖ ପର୍ଯ୍ୟନ୍ତ ଏହି ଜନ ସର୍ମ୍ପକ ପଦଯାତ୍ରା ପାଳନ କରାଯିବ। ଚୌଦ୍ୱାର ଗାନ୍ଧୀଛକ ସ୍ଥିତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ ଓ ନୂଆବଜାର ସ୍ଥିତ ଗାନ୍ଧୀ ଆଶ୍ରମ ଠାରେ ଜାତିର ଜନକ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଆଶ୍ରମ ପରିସରରେ ଅନ୍ତେବାସୀମାନଙ୍କୁ ଫଳ ଓ ମିଷ୍ଠାନ୍ନ ବଣ୍ଟନ କରାଯିବା ସହ ଚୌଦ୍ୱାର-କଟକ ବିଧାୟକ ସୌଭିକ୍ ବିଶ୍ୱାଳଙ୍କ ପୌରୋହିତ୍ୟରେ ପଦଯାତ୍ରାର ଶୁଭାରମ୍ଭ ହୋଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ସିଏମସି ମେୟର ସୁବାଷ ସିଂହ ଯୋଗ ଦେଇଥିଲେ। ପଦଯାତ୍ରା ମାଧ୍ୟମରେ ବିଜୁ ଜନତା ଦଳ ସରକାରରେ ଥିବା ସମୟରେ ଗ୍ରାମାଞ୍ଚଳ ଓ ପୌରାଞ୍ଚଳର ବିକାଶ ସହିତ ଜନସାଧାରଣଙ୍କ ପାଇଁ ନିଆଯାଇଥିବା ବିଭିନ୍ନ ସଫଳ ଲୋକାଭିମୁଖୀ କାର୍ଯ୍ୟକ୍ରମର ବାର୍ତ୍ତା ଘରେ ଘରେ ପହଞ୍ଚାଇବା ମୁଖ୍ୟ ଉଦ୍ଦେଶ୍ୟ ରହିଥିଲା। ଏହି ଜନ ସଂର୍ପକ ପଦଯାତ୍ରା ଚୈାଦ୍ୱାର-କଟକ ନିର୍ବାଚନ ମଣ୍ଡଳୀ ଅନ୍ତର୍ଗତ କଟକ ମହାନଗର ନିଗମ, ଚୌଦ୍ୱାର ପୌରପାଳିକାର ସମସ୍ତ ୱାର୍ଡ ଓ ୫ଗୋଟି ପଚାଂୟତରେ ବହୁ ସଂଖ୍ୟାରେ କର୍ମୀମାନେ ଯୋଗଦେଇଥିବା ବେଳେ ଅକ୍ଟୋବର ୯ ତାରିଖ ଗୋପବନ୍ଧୁ ଜୟନ୍ତୀ ଠାରୁ ବିଜୁ ଜନତା ଦଳର ସଦସ୍ୟତା ସଂଗ୍ରହ ଅଭିଯାନ ଆରମ୍ଭ କରାଯିବ ବୋଲି ପୂର୍ବତନ ବିଧାୟକ ଡଃ ବିଶ୍ୱାଳ କହିଥିଲେ। ଏହି ଜନ ସର୍ମ୍ପକ ପଦଯାତ୍ରା ୫୪ ଓ ୫୫ନମ୍ବର ୱାର୍ଡର ବିଭିନ୍ନ ଅଞ୍ଚଳ ବୁଲିବା ସମୟରେ ହଜାର ହଜାର ସଂଖ୍ୟାରେ ଜନସାଧାରଣ ହୁଳହୁଳି ଓ ସ୍ଲୋଗାନ ମାନ ପକାଇ ସ୍ୱାଗତ କରିଥିଲେ। ଏହି କାର୍ଯ୍ୟକ୍ରମରେ ଡେପୁଟୀ ମେୟର ଦମୟନ୍ତୀ ମାଝୀ, ମାନସୀ ସ୍ୱର୍ଣ୍ଣପ୍ରଭା ସାମଲ, ଶୁଭେନ୍ଦୁ ସାମଲ, ସୁପ୍ରୀୟା ଜେଠୀ, ଜ୍ୟୋସ୍ନାରାଣୀ ସୁବୁଦ୍ଧିରାୟ, ପ୍ରଶାନ୍ତ ନାୟକ, ପ୍ରେମଚାନ୍ଦ ନାୟକ, ଶିବେନ୍ଦ୍ର ହାତୀ, ଇଂ. ଆଶିଷ ସ୍ୱାଇଁ, ଦେବେନ୍ଦ୍ର କାହାଳୀ, ଦିଲ୍ଲୀପ ସାହୁ, ତ୍ରିଲୋଚନ ପଣ୍ଡା, ତାପସ ମହାନ୍ତି, ରାଜେନ୍ଦ୍ର ରଣା,ଦିଲ୍ଲୀପ ଜେନା, ସଞ୍ଜୟ ଜେନା, ଯୁଧିଷ୍ଟିର ବିଶ୍ୱାଳ, ସରୋଜ ପ୍ରସାଦ ସ୍ୱାଇଁ, ହିମାଂଶୁ ଷଢଙ୍ଗୀ, କର୍ପୋରେଟର ତାପସ ସାମନ୍ତରାୟ, ଇଂ. ସୁବ୍ରତ ଘଡାଇ, ବିଶ୍ୱବନ୍ଦିତା ପଣ୍ଡା, ପ୍ରଳୟା ବେଉରା, ପ୍ରମିଳା ମହାନ୍ତି, ମଧୁସ୍ମିତା ବାରିକ, ସୌଭାଗିନୀ ଜେନା, ଅରବିନ୍ଦ ଜେନା, ବିଧାୟକଙ୍କ ପ୍ରତିନିଧି ରମାକାନ୍ତ ଲେଙ୍କାଙ୍କ ସମେତ ଏକ ହଜାରେରୁ ଉର୍ଦ୍ଧ୍ୱ ଯୁବ, ଛାତ୍ର ଓ ମହିଳା କର୍ମୀ ପ୍ରମୁଖ ଉପସ୍ଥିତ ଥିଲେ।