ଚୌଦ୍ୱାର-କଟକ ନିର୍ବାଚନ ମଣ୍ଡଳୀରେ ବିଜେପିର କାର୍ଯ୍ୟକର୍ତ୍ତା ବୈଠକ

#ଚୌଦ୍ୱାର(ଏନ୍‌.ଏମ୍‌.): ସାଧାରଣ ନିର୍ବାଚନ ପାଖେଇ ଆସୁଥିବାବେଳେ ବିଭିନ୍ନ ରାଜନୈତିକ ଦଳ ଏବେ ଠାରୁ ନିଜସ୍ୱ ରଣନୀତି ପ୍ରସ୍ତୁତ କଲେଣି । ବୁଥସ୍ତରରେ ସଂଗଠନକୁ ମଜଭୁତ କରି ଭୋଟକୁ କିଭଳି ନିଜ ସପକ୍ଷକୁ ଅଣାଯାଇ ପାରିବ ଦଳୀୟ ନେତା ଓ କର୍ମୀ ଏବେ ତତ୍ପର । ଏହି ପରିପ୍ରେକ୍ଷୀରେ ଭାରତୀୟ ଜନତା ପାର୍ଟି ପକ୍ଷରୁ କେନ୍ଦ୍ରସରକାରଙ୍କ ଜନହିତକର ଯୋଜନା ଏବଂ ପୂର୍ବ ଦିଗର ଭାରତର ନୂତନ ସୂର୍ଯ୍ୟୋଦୟ ସମ୍ପର୍କରେ ବିଭିନ୍ନ ଲୋକାଭିମୁଖୀ କାର୍ଯ୍ୟକୁ ନେଇ କାର୍ଯ୍ୟକର୍ତ୍ତାମାନେ ଲୋକଙ୍କ ପାଖରେ ପହଞ୍ଚିଛନ୍ତି । ଚୌଦ୍ୱାର-କଟକ ନିର୍ବାଚନ ମଣ୍ଡଳୀ ଅନ୍ତର୍ଗତ ଇନ୍ଦ୍ରାଣୀପାଟଣା ମଣ୍ଡଳ ଓ ଚୌଦ୍ୱାର ମଣ୍ଡଳର କାର୍ଯ୍ୟକର୍ତ୍ତାଙ୍କ ସହିତ ବିଭିନ୍ନ ୱାର୍ଡ଼ ସହ ଗ୍ରାମାଞ୍ଚଳ ବୁଥ କାର୍ଯ୍ୟକର୍ତ୍ତାମାନଙ୍କ ଏକ ବୈଠକ ସ୍ଥାନୀୟ ବାଣୀପଦା ଠାରେ ଅନୁଷ୍ଠିତ ହୋଇଥିଲା । ଏହି ବୈଠକରେ ଚୌଦ୍ୱାର ପୌରାଞ୍ଚଳର ୧୯ଟି ୱାର୍ଡ଼ ଏବଂ ୫ଗୋଟି ପଞ୍ଚାୟତର ପ୍ରାୟ ୨ଶହରୁ ଉର୍ଦ୍ଧ୍ୱ କାର୍ଯ୍ୟକର୍ତ୍ତା ଯୋଗଦେଇ ଆସନ୍ତା ନିର୍ବାଚନରେ ବିଜେପିକୁ ବିଜୟ ଦେବା ଉପରେ ଆଲୋଚନା କରିଥିଲେ । ବିଜେପିର ପୂର୍ବତନ କର୍ପୋରେଟର ତଥା ବରିଷ୍ଠ କାର୍ଯ୍ୟକର୍ତ୍ତା ଆଇନଜୀବୀ ନିରୋଦ ଚନ୍ଦ୍ର ପଣ୍ଡାଙ୍କ ପୌରହିତ୍ୟରେ ଆୟୋଜିତ ଏହି ବୈଠକରେ ବିଜେପିର ପୂର୍ବତନ କର୍ପୋରେଟର ହେମନ୍ତ କୁମାର ବେହେରା ଯୋଗଦେଇ ବୁଥ ଚାଲ ଅଭିଯାନକୁ ସଫଳ କରିବା ସହ ନିଜନିଜ ମଧ୍ୟରେ ଥିବା ମତଭେଦକୁ ଭୁଲି ଏକ ମନ ଏକ ପ୍ରାଣ ଭାବ ନେଇ ଆସନ୍ତା ୨୦୨୪ ସାଧାରଣ ନିର୍ବାଚନରେ ଦଳୀୟ ପ୍ରାର୍ଥୀଙ୍କୁ ବିଜୟୀ କରାଇବାକୁ ମତଦେଇଥିଲେ । ଏହି କାର୍ଯ୍ୟକ୍ରମରେ ଇନ୍ଦ୍ରାଣୀପାଟଣା ମଣ୍ଡଳ ସଭାପତି ଜୟନ୍ତ କୁମାର ସ୍ୱାଇଁ, ଚୌଦ୍ୱାର ମଣ୍ଡଳ ସଭାପତି ଅକ୍ଷୟ ଭୂୟାଁ, ପୂର୍ବତନ କାଉନସିଲର କବିତା ପରିଡା, ୧୩ନମ୍ବର ୱାର୍ଡ଼ କାଉନସିଲର ପ୍ରତିନିଧି ନିଗମ ସାହୁ, ପୂର୍ବତନ ମଣ୍ଡଳ ସଭାପତି ରମେଶ ନାୟକ, ଗୌରଚନ୍ଦ୍ର ସୁବୁଦ୍ଧିରାୟ, ପ୍ରକାଶ ବଡଜେନା, ସୁବାସ ଚନ୍ଦ୍ର ବରାଳ, ମୀନକେତନ ରାଉତ, ଜୟନ୍ତ ବେହେରା, ଅଜୟ ଦାସ, ସଞ୍ଜୟ ସ୍ୱାଇଁ, କମଳ ମହାନ୍ତି, ଦିବାକର ପାତ୍ର, କେଦାର ସୁବୁଦ୍ଧିରାୟ, ବର୍ଷାରାଣୀ ପଲାଇ, ମାନସ ମହାନ୍ତି, ସଂଗ୍ରାମ ପାତ୍ର, ବିଜୟ ବେହେରା, ବିଭୂତି ମହାପାତ୍ର, ସୁରେଶ ମହାନ୍ତି, ସ୍ମୃତିରଞ୍ଜନ ମିଶ୍ର, ନିବାସ ରାଉତ, ନରେନ୍ଦ୍ର ବେହେରା, ରମେଶ ଶରଣ, ଆଶିଷ ହାଲଦାର, ପ୍ରତାପ ଜେନା, ସୁନିଲ ଦ୍ୱିବେଦୀ ପ୍ରମୁଖ ଯୋଗଦେଇ କାର୍ଯ୍ୟକର୍ତ୍ତାମାନଙ୍କୁ ଉତ୍ସାହିତ କରିଥିଲେ । ପୂର୍ବତନ ଯୁବମୋର୍ଚ୍ଚା ସଭାପତି ମାନସ ପାଣି ଧନ୍ୟବାଦ ଦେଇଥିଲେ ।