ଚୌଦ୍ୱାରରେ ଶ୍ରୀ ସତ୍ୟସାଇ ସେବା ସମିତି ପକ୍ଷରୁ ଗୁରୁପୂର୍ଣ୍ଣିମା
#ଚୌଦ୍ୱାର(ଏନ୍.ଏମ୍.): ସ୍ଥାନୀୟ ଥର୍ମାଲ ରୋଡ଼ ସ୍ଥିତ ଶ୍ରୀ ସତ୍ୟସାଇ ସେବା ସମିତି ପକ୍ଷରୁ ଗୁରୁପୂର୍ଣ୍ଣିମା ପାଳିତ ହୋଇ ଯାଇଛି । ଏହି ଦିବସରେ ଶ୍ରୀ ସତ୍ୟସାଇଙ୍କ ମନ୍ଦିରର ବାର୍ଷିକ ଉତ୍ସବ ମଧ୍ୟ ଅନୁଷ୍ଠିତ ହୋଇଥିଲା । ଆଜି ଭୋରୁ ନଗର ସଂକୀର୍ତ୍ତନ କରାଯାଇ ପ୍ରଶାନ୍ତି ଧ୍ୱଜା ଉତ୍ତୋଳନ କରାଯିବା ସହ, ଷୋଡ଼ଷ ଉପଚାର ପୂଜା, ତ୍ରୈ ରୁଦ୍ରମ୍, ଅମୃତ କଳସ, ପ୍ରେମତରୁ ଓ ନାରାୟଣ ସେବା କାର୍ଯ୍ୟକ୍ରମ କରାଯାଇଥିଲା । ସେହିଭଳି ସଂଧ୍ୟାରେ ବେଦ ପାଠ ସହ ଭଜନ ସଂକୀର୍ତ୍ତନ କରାଯାଇଥିଲା । ଚୌଦ୍ୱାର ସାଇ ପାରିବାରର ଆବାହକ ରଞ୍ଜିତ ପ୍ରଧାନ ସ୍ୱାଗତ ସମ୍ଭାଷଣ ଦେଇଥିଲେ । ସାଇ ଶୁଭ୍ରାଂଶୁ ଶେଖର କାର୍ଯ୍ୟକ୍ରମ ପରିଚାଳନା କରିଥିଲେ । ଏହି ଅବସରରେ ସିଦ୍ଧାର୍ଥ ଚାନ୍ଦ ଓ ପ୍ରଦୀପ୍ତ ପଣ୍ଡା ସତସଙ୍ଗ କରିଥିଲେ । ଶେଷରେ ମଙ୍ଗଳ ଆଳତି କରି କାର୍ଯ୍ୟକ୍ରମ ଶେଷ ହୋଇଥିଲା । ଏହି ପରିପ୍ରେକ୍ଷୀରେ ମନ୍ଦିର ପରିବେଶ ବେଶ୍ ଉତ୍ସବ ମୁଖର ପାଲଟି ଥିଲା । କାର୍ଯ୍ୟକ୍ରମରେ ଚୌଦ୍ୱାର ସାଇ ସମିତିର ସମସ୍ତ ସଦସ୍ୟ, ସଦସ୍ୟା ଏବଂ ଅଞ୍ଚଳର ବହୁ ବୁଦ୍ଧିଜୀବୀ ଯୋଗ ଦେଇଥିଲେ ।