କୟଳପଡ଼ା ପଞ୍ଚାୟତରେ ସରପଞ୍ଚଙ୍କ ଦ୍ୱାରା ହିତାଧିକାରୀଙ୍କୁ ଭତ୍ତା ବଣ୍ଟନ

#ଟାଙ୍ଗୀ-ଚୌଦ୍ୱାର(ଏନ୍.ଏମ୍.): ଟାଙ୍ଗୀ ଚୌଦ୍ୱାର ବ୍ଲକ ଅନ୍ତର୍ଗତ କୟଳପଡ଼ା ପଞ୍ଚାୟତରେ ସ୍ଥାନୀୟ ସରପଞ୍ଚ ଶୈଳବାଳା ନାୟକଙ୍କ ଦ୍ୱାରା ପଞ୍ଚାୟତର ହିତାଧିକାରୀଙ୍କୁ ଭତ୍ତା କାର୍ଡ଼ ପ୍ରଦାନ କରାଯାଇଛି । ଏହି ପ୍ରରିପ୍ରେକ୍ଷୀରେ ସ୍ଥାନୀୟ ପଞ୍ଚାୟତ କାର୍ଯ୍ୟାଳୟ ସଭାଗୃହରେ ଶ୍ରୀମତୀ ନାୟକ ମୁଖ୍ୟଅତିଥି ଭାବେ ଯୋଗଦେଇ ଅଞ୍ଚଳର ଯୋଗ୍ୟ ହିତାଧିକାରୀଙ୍କୁ ସେମାନଙ୍କ ଭତ୍ତା ପ୍ରଦାନ କରିଥିଲେ । ତେବେ ପଞ୍ଚାୟତରେ ଥିବା ସିମିଳିହାଣ୍ଡ, କୟଳପଡ଼ା ଓ ନୂଆପାଟଣା ଗ୍ରାମର ପ୍ରାୟ ୯୮ ଜଣ ଯୋଗ୍ୟ ହିତାଧିକାରୀଙ୍କୁ ଏହି ଭତ୍ତା କାର୍ଡ଼ ସହ ଭତ୍ତା ଟଙ୍କା ପ୍ରଦାନ କରାଯାଇଥିଲା । ସ୍ଥାନୀୟ ସରପଞ୍ଚଙ୍କ କାର୍ଯ୍ୟକାଳ ୧ବର୍ଷ ୬ମାସ ମଧ୍ୟରେ ପଞ୍ଚାୟତର ଅନେକ ସୁବିଧା ସହ ଜନହିତକର କାର୍ଯ୍ୟକ୍ରମ କରି ଅଞ୍ଚଳବାସୀଙ୍କ ଠାରୁ ବହୁ ପ୍ରଶଂସାର ପାତ୍ର ହୋଇ ପାରିଛନ୍ତି । ଆଜି ପର୍ଯ୍ୟନ୍ତ ପ୍ରାୟ ୧୬୦ ରୁ ଉର୍ଦ୍ଧ୍ୱ ଜନସାଧାରଣଙ୍କୁ ସରକାରଙ୍କ ଦ୍ୱାରା ବିଭିନ୍ନ ସାମାଜିକ ସୁରକ୍ଷା ବ୍ୟବସ୍ଥା ମଧ୍ୟରେ ଭତ୍ତା ପ୍ରଦାନ କରାଯାଇଥିବାର ଶ୍ରୀମତୀ ନାୟକ କହିଛନ୍ତି । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ସମିତିସଭ୍ୟା ବନ୍ଦନା ସ୍ୱାଇଁ, ପଞ୍ଚାୟତ ବିଜେଡି ସଭାପତି ସୁଧାକର ନାୟକ, ଯୁବ ସମାଜସେବୀ ପିତାମ୍ବର ନାୟକ, ପଞ୍ଚାୟତ ଅଧିକାରୀ ଲକ୍ଷ୍ମୀଧର ପତ୍ରୀ, ପଞ୍ଚାୟତ ଜିଆରଏସ ଅନାମ ଚରଣ ସ୍ୱାଇଁଙ୍କ ସମେତ ବହୁ ଦଳୀୟ କର୍ମୀ ଓ ଗ୍ରାମବାସୀ ଉପସ୍ଥିତ ଥିଲେ ।