କଟକ ବିଜେଡି ଲୋକସଭା ପ୍ରାର୍ଥି ସନ୍ତୃପ୍ତ ମିଶ୍ରଙ୍କ ଦହିବରା ଖଟି
କଟକ(ଏନ୍.ଏମ୍.): ବିଜୁ ଜନତା ଦଳର କଟକ ଲୋକସଭା ପ୍ରାର୍ଥି ସନ୍ତୃପ୍ତ ମିଶ୍ରଙ୍କ ଦହିବରା ଖଟିର ବେସ ଆସର ଜମିଛି । ନିର୍ବାଚନ ଯେତିକି ପାଖେଇ ଆସୁଛି କଟକରେ ଦହିବରା ଖଟିର ଚାହିଦା ଦିନକୁ ଦିନ ବଢିବାରେ ଲାଗିଛି । ସିଏମସି ୩୪ ନମ୍ବର ୱାର୍ଡ ବିଜୁ ଜନତା ଦଳ ପକ୍ଷରୁ ମାଛୁଆ ବଜାରସ୍ଥିତ ଏଲ.ଆଇ.ସି କାର୍ଯ୍ୟାଳୟ ନିକଟରେ ବିଜେଡି କର୍ମୀମାନେ ଏହି ଦହିବରା ଖଟିର ମଜ୍ଜା ଉଠାଇଥିଲେ । ଏହି ଦହିବରା ଖଟିରେ ଲୋକସଭା ପ୍ରାର୍ଥି ସନ୍ତୃପ୍ତ ମିଶ୍ର ବିଜୁ ଜନତା ଦଳକୁ ଦୁଇଟି ଶଙ୍ଖ ଚିହ୍ନରେ ଭୋଟ ଦେଇ ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରିବାକୁ ଭୋଟର ମାନଙ୍କୁ ନିବେଦନ କରିଥିଲେ । ଚୌଦ୍ୱାର କଟକ ପୂର୍ବତନ ବିଧାୟକ ଡ. ପ୍ରଭାତ ବିଶ୍ୱାଳ ଏହି ଦହିବରା ଖଟିରେ ଯୋଗ ଦେଇ ଭୋଟରମାନଙ୍କୁ ଗୋଟିଏ ଭୋଟ ଲୋକସଭା ପ୍ରାର୍ଥି ସନ୍ତୃପ୍ତ ମିଶ୍ର ଓ ଆଉ ଗୋଟିଏ ଶଙ୍ଖ ବିଧାୟକ ପ୍ରାର୍ଥି ସୌଭିକ ବିଶ୍ୱାଳଙ୍କୁ ଦୁଇଟି ଶଙ୍ଖ ଚିହ୍ନରେ ଭୋଟ ଦେଇ ଜୟଯୁକ୍ତ କରିବା ପାଇଁ ନିବେଦନ କରିଥିଲେ । ଓଡିଶାର ପ୍ରତେକ ଜିଲ୍ଲାରେ ଚାହା ଖଟି ଚାଲୁଥିବା ବେଳେ କଟକରେ କିନ୍ତୁ ନିଆରା ଦହିବରା ଖଟି । ଏହି କାର୍ଯ୍ୟକ୍ରମରେ ସିଏମସି ୩୫ ନମ୍ବର ୱାର୍ଡ ପୂର୍ବତନ କର୍ପୋରେଟର ପବିତ୍ର ଭୂୟାଁ, ତାପସ ମହାନ୍ତି, ଅଶୋକ ମିଶ୍ର, ଶିବେନ୍ଦ୍ର ହାତୀ, ଦେବେନ୍ଦ୍ର କାହାଳି, ୱାର୍ଡ ସଭାପତି ମନୋରଞ୍ଜନ ସାହୁ, ପୁଷ୍ପଲତା ସାହୁ, ରଞ୍ଜିତା କାହାଳି ପ୍ରମୁଖ ଉପସ୍ଥିତଥିଲେ ।