ଆନନ୍ଦ ଉତ୍ସାହର ସହ ପାଳିତ ହେଲା ଦିବ୍ୟ ଧର୍ମ ଯଜ୍ଞ ଦିବସ
ଭୁବନେଶ୍ୱର(ଏନ୍.ଏମ୍.): କବୀର ପନ୍ଥି ସନ୍ଥ ରାମପାଲଜୀ ମହାରାଜାଙ୍କ ନେତୃତ୍ୱରେ ଭାରତର ୯ଟି ଆଶ୍ରମ ତଥା ନେପାଳରେ “ଦିବ୍ୟ ଧର୍ମ ଯଜ୍ଞ ଦିବସ’ ପାଳିତ ହୋଇଯାଇଛି । ପୂର୍ଣ୍ଣ ପରମାତ୍ମା କବୀର ସାହେବଜୀ ୫୦୯ ବର୍ଷ ପୂର୍ବେ ଜଣେ ବୁଣାକାରର ଭୂମିକା କରି ୧୮ ଲକ୍ଷ ସାଧୁ-ସନ୍ଥଙ୍କୁ ଭୋଜନ ଦେଇଥିଲେ । ସମସ୍ତ ଭୋଜନ ସତ୍ୟଲୋକରୁ ଆସିଥିଲା, ତଥା ଭୋଜନ କରିବାକୁ ଆସିଥିବା ପ୍ରତ୍ୟେକ ବ୍ୟକ୍ତିଙ୍କୁ ଗୋଟିଏ ଦୋହାର (ଦାମୀ କମ୍ବଳ) ଓ ଗୋଟିଏ ମୋହର (ସୁନା ମୁଦ୍ରା) ମଧ୍ୟ ଦିଆଯାଇଥିଲ । ସେହି ଅଲୌକିକ ଭଣ୍ଡାର ତିନିଦିନ ପର୍ଯ୍ୟନ୍ତ ଲଗାତାର ଚାଲିଥିଲା । ସେହି ଉପଲକ୍ଷେ ଭାରତର ବିଭିନ୍ନ ରାଜ୍ୟରେ ଥିବା ସତ୍ୟଲୋକ ଆଶ୍ରମରେ କାର୍ତ୍ତିକ ମାସ ଶୁକ୍ଳପକ୍ଷ ଚତୁର୍ଦ୍ଦଶୀରୁ ମାର୍ଗଶୀର ମାସ କୃଷ୍ଣପକ୍ଷ ପ୍ରତିପଦ ପର୍ଯ୍ୟନ୍ତ ଏକ ତିନି ଦିବସୀୟ କାର୍ଯ୍ୟକ୍ରମର ଅୟୋଜନ କରାଯାଇଥିଲା । ଏହି ଦିବ୍ୟ ଧର୍ମ ଯଜ୍ଞ ଦିବସ ଅବସରରେ ବିଶାଳ ସାମୁହିକ ଭୋଜନର ବ୍ୟବସ୍ଥା ସହିତ ନିଃଶୁଳ୍କ ନାମଦିକ୍ଷା, ରକ୍ତଦାନ ଶିବିର, ଅଖଣ୍ଡ ପାଠ, ଯୌତୁକ ମୁକ୍ତ ବିବାହ ଆଦିର ଆୟୋଜନ କରାଯାଇଥିଲା । ଓଡିଶାରୁ ସନ୍ଥ ରାମପାଲଜୀ ମହାରାଜାଙ୍କର ପ୍ରାୟ ପାଞ୍ଚ ହଜାର ଅନୁଗାମୀ ଏହି ଉତ୍ସବରେ ଯୋଗ ଦେଇଥିଲେ । ଭୁବନେଶ୍ୱର, କଟକ, ସମ୍ବଲପୁର, କଳାହାଣ୍ଡି, ସୁନ୍ଦରଗଡ଼ ସମେତ ଓଡ଼ିଶାର ବିଭିନ୍ନ ପ୍ରାନ୍ତରୁ ମହିଳା ଓ ପୁରୁଷମାନେ ସପରିବାର ଏହି କାର୍ଯ୍ୟକ୍ରମରେ ଉପସ୍ଥିତ ରହିବା ପୂର୍ବକ ପ୍ରସାଦ ସେବନ କରିଥିଲେ ।
ବହୁତ ବଢିଆ ଖବର
Great Innovative Steps taken by Saint Rampal Ji Maharaj for the welfare of people. It seems Ram Rajya has been established by him.