ଆଠଗଡ଼ ବିଜେଡି ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ନେଇ ଆଲୋଚନାଚକ୍ର

#ଆଠଗଡ଼(ଏନ୍‌.ଏମ୍‌.): ସ୍ଥାନୀୟ ମହୋତ୍ସବ ପଡିଆ ଠାରେ ଆଠଗଡ ବିଜେଡି ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ସପ୍ତାହ ଉପଲକ୍ଷେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ନିମନ୍ତ୍ରିତ ଅତିଥିମାନେ ଯୋଗଦେଇ ମହିଳା ସଶକ୍ତିକରଣ ସହ ଏ ବର୍ଷର ଥିମ୍ “ଲିଙ୍ଗଗତ ସମତା’, ସ୍ୱାଧିନତା ଆନ୍ଦୋଳନରେ ମହିଳାଙ୍କ ଅବଦାନ, ସାମ୍ପ୍ରତିକ ସାମାଜିକ ରାଜନୈତିକ ପରିପ୍ରେକ୍ଷୀରେ ମହିଳାଙ୍କ ଭୂମିକା ବିଷୟରେ ଆଲୋଚନା କରିଥିଲେ । ଅନ୍ୟତମ ଅତିଥି ଭାବେ ମହିଳା ପ୍ରସଙ୍ଗ ଉପରେ ଆଲୋଚନା କରୁଥିବା ନ୍ୟାସନାଲ ଫେଡେରେସନ ଅଫ ଇଣ୍ଡିଆନ ଓମେନର କାର୍ଯ୍ୟକର୍ତ୍ତା ଡଃ ଅମୃତ ପାଠକ, କଟକ ଜିଲ୍ଲା ଜିଲ୍ଲା ପରିଷଦ ଉପାଧ୍ୟକ୍ଷ ଶୁଭ୍ରଦା ଦାସ, ବରିଷ୍ଠ ଆଇନିଜୀବୀ ଡଃ ସୁଜାତା ଦାଶ, ପ୍ରଧ୍ୟାପକ ପ୍ରଫେସର ଚିରଶ୍ରୀ ଇନ୍ଦ୍ରଶ୍ରୀ ପ୍ରମୁଖ ଯୋଗ ଦେଇଥିଲେ । ଆଜିର ସମାଜରେ ନାରୀମାନେ ନିଜେ ଜାଗ୍ରତ ଏବଂ ସଚେତନ ହେଲେ ନିଜକୁ ନିଜେ ସୁରକ୍ଷା ଦେବା ସହ ନିଜେ ପ୍ରତିଷ୍ଠିତ ହୋଇପାରିବେ ବୋଲି ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଆଠଗଡ଼ ଓ ତିଗିରିଆ ବ୍ଲକ୍‌ର ଶତାଧିକ ମହିଳା ଯୋଗ ଦେଇ ନିଜେ ସ୍ୱାବଲମ୍ବୀ ହେବା ସହ ଆତ୍ମନିର୍ଭରଶୀଳ ହେବାକୁ ଶପଥ ଗ୍ରହଣ କରିଥିଲେ ।