ଆଇପିଏଲ: ଚମକିଲେ ସୂର୍ଯ୍ୟ ଓ କିଶାନ, ପଞ୍ଜାବର ୨୧୪ରନ ମୁମ୍ବାଇ ଆଗରେ ଫିକା
#ମୋହାଲି(ଏନ୍.ଏମ୍.): ଆଇପିଏଲର ୪୬ତମ ମ୍ୟାଚରେ ମୁମ୍ବାଇର ଦୁଇ ତାରକା ବ୍ୟାଟର ଈଶାନ କିଷାନ ଓ ସୂର୍ଯ୍ୟ କୁମାର ଯାଦବଙ୍କ ଚମକ ଦେଖିବାକୁ ମିଳିଛି । ଘରୋଇ ପଞ୍ଜାବର ୨୧୪ରନ ମୁମ୍ବାଇ ଇଣ୍ଡିଆନ୍ସ ଆଗରେ ଫିକା ପଡ଼ିଛି । ଏହି ମ୍ୟାଚରେ ପଞ୍ଜାବ ପ୍ରଥମେ ବ୍ୟାଟିଂ କରି ମୁମ୍ବାଇ ସମ୍ମୁଖରେ ୨୧୫ରନର ବିଜୟ ଲକ୍ଷ୍ୟ ଧାର୍ଯ୍ୟ କରିଥିବାବେଳେ ମୁମ୍ବାଇ ୭ଟି ବଲ ବାକି ଥାଇ ୪ ଗୋଟି ୱିକେଟ ବିନିମୟରେ ଏହାକୁ ହାସଲ କରି ନେଇଛି । ମୁମ୍ବାଇ ଖାତା ଖୋଲିବା ପୂର୍ବରୁ ଅଧିନାୟକ ରୋହିତ ଶର୍ମାଙ୍କ ୱିକେଟ ହରାଇଥିଲା । ସେହିପରି ଦଳୀୟ ସ୍କୋର ୫୪ ବେଳେ ଅନ୍ୟତମ ଓପନର କ୍ୟାମରନ ଗ୍ରୀନ ୨୩ରନ କରି ଆଉଟ ହୋଇଥିଲେ । ମାତ୍ର ଏହାପରେ ସୂର୍ଯ୍ୟ ଓ ଈଶାନ ୯ଓଭରୁ ୧୧୬ରନର ପାର୍ଟନରସିପ କରିବା ଫଳରେ ମୁମ୍ବାଇ ଏହି ମ୍ୟାଚକୁ ସହଜରେ ଜିତି ନେଇଛି । ସୂର୍ଯ୍ୟ ୩୧ବଲରୁ ୮ଚୌକା ଓ ୨ଟି ଛକା ସହାୟତାରେ ୬୬ରନ କରିଥିବାବେଳେ ଈଶାନ ୪୧ ବଲରୁ ୭ ଚୌକା ଓ ୪ଟି ବିଶାଳ ଛକା ସହାୟତାରେ ୭୫ରନ କରି ଆଉଟ ହୋଇଥିଲେ । ଅନ୍ତିମ ୨୩ ବଲରୁ ୩୭ରନ ଆବଶ୍ୟକତା ଥିବାବେଳେ ଟିମ୍ ଡେଭିଡ୍ ୧୦ ବଲରୁ ୧୯ ଓ ତିଲକ ବର୍ମା ୧୦ବଲରୁ ୩ ଛକା ଓ ଗୋଟି ଛକା ସହାୟତାରେ ୨୬ରନ କରି ଦଳକୁ ବିଜୟୀ କରାଇଥିଲେ । ପୂର୍ବରୁ ପଞ୍ଜାବ ବ୍ୟାଟିଂ ଆମନ୍ତ୍ରଣ ପାଇ ୧୩ ରନରେ ପ୍ରଥମ ୱିକେଟ ହରାଇଥିଲା । ଦଳ ୧୧.୨ ଓଭରରେ ୯୫ରନ କରି ପ୍ରଥମ ୩ଟି ୱିକେଟ ହରାଇଥିଲା । ମାତ୍ର ପରବର୍ତ୍ତୀ ସମୟରେ ଦଳର ଦୁଇ ବ୍ୟାଟର ଲିଆମ ଲିଭିଙ୍ଗଷ୍ଟୋନ ଓ ୱିକେଟ କିପର ବ୍ୟାଟ୍ସମ୍ୟାନ ଜିତେଶ ପଟେଲ ଆଉ ୱିକେଟ ପଡ଼ିବାକୁ ଦେଇ ନଥିଲେ । ଦୁହେଁ ବାକି ଓଭର ଖେଳି ଦଳୀୟ ସ୍କୋରକୁ ୨୧୪ ରନରେ ପହଞ୍ଚାଇ ପାରିଥିଲେ । ଡେଭିଡ ୪୨ ବଲରୁ ୭ ଚୌକା ଓ ୪ଛକା ସହାୟତାରେ ୮୨ରନ କରି ଓ ଜିତେଶ ୨୭ ବଲରୁ ୫ ଚୌକା ଓ ୨ଟି ଛକା ସହାୟତାରେ ୪୯ରନ କରି ଅପରାଜିତ ରହିଥିଲେ ।